Murati: Partitë opozitare nuk e besojnë që do të jenë në qeverisje pas 9 shkurtit

Ministri i Financave, Hekuran Murati, ka shkruar për mospërkrahjen e opozitës për votimin e buxhetit për vitin 2025. Murati në një reagim në ‘facebook’ ka thënë se opozita e dinë që s’do të vijnë në pushtet dhe për këtë arsye, sipas tij, ata s’janë përfshirë në miratimin e tij, transmeton gazeta “Kosova Sot Online”.

Kreu i MF tutje thotë se partitë opozitare e dinë që s’do t’iu vije rasti për të menaxhuar me buxhetin.

“Por as vetë partitë opozitare nuk e besojnë që do të jenë në qeverisje pas 9 shkurtit, prandaj edhe ikën nga seanca dje, të painteresuar fare se çfarë buxheti po miratohej – sepse nuk do t’u vije rasti për ta menaxhuar”, ka shkruar ai.

(Kosova Sot Online)