Osmani përkujton Xhemail Mustafën: Drejtësia duhet të vihet në vend

Presidentja e Kosovës, Vjosa Osmani, ka përkujtuar ish-aktivistin e LDK-së, Xhemail Mustafa, në 24 vjetorin e vrasjes së tij, ku dhe  kërkuar që drejtësia të vihet në vend, transmeton gazeta “Kosova Sot Online”.

Në këtë 24-vjetor të vrasjes, Osmani theksoi se kujtojnë me respekt Mustafën, të cilin e quajti “një njeri të jashtëzakonshëm, një aktivist politik dhe intelektual që dha gjithçka për lirinë dhe të ardhmen e Kosovës”.

“Ai ishte një bashkëpunëtor i ngushtë i Presidentit historik, dr. Ibrahim Rugova, një njeri i devotshëm ndaj vizionit për një Kosovë të pavarur, të lirë dhe demokratike”, njofton zyra e Presidencës.

Ajo thotë se drejtësia duhet të vihet në vend.

“Vrasja e tij mbetet një plagë e hapur, ndaj drejtësia duhet të vihet në vend” thuhet tutje në shkresën e zyrës së presidencës.

(Kosova Sot Online)