Vranësirat pritet të shpërndahen në pjesën më të madhe të vendit

Të premten intervale me diell.  Kthjellime në fundjavë.  Ngrica orëve të mëngjesit, transmeton gazeta “Kosova Sot Online”.

Ditën e premte, vranësirat pritet të shpërndahen në pjesën më të madhe të vendit, ku do të ketë intervale më të gjata me diell sidomos në pjesë perëndimore. 

Në mbrëmje me kalime vranësirash në lindje, nuk përjashtohen mundësi për ndonjë rrebesh të dobëta bore. 

Fryn erë mesatare verilindore 3-7m/s. Temperaturat minimale zbresin në -1C e -2C, e ato maksimale gjatë ditës shkojnë deri në 2 Ce 5C.

Nga fundjava parashihet të mbretërojë mot stabil, kryesisht me kthjellime e diell.

Ultësirave mund të formohen kushte për mjegull orëve të mëngjesit.  Temperaturat minimale zbresin në -3C e -5C, e ato maksimale gradualisht në rritje, 2C e 4C në fundjavë, e në dy ditët e fundit të vitit 6C e 8C.  Nga e diela do të dominojnë më shumë qetësitë.

(Kosova Sot Online)