Hamza: Do ta rrisim përkrahjen për bujqit

Kandidati i PDK-së për kryeministër, Bedri Hamza, ka takuar sot pemëtarët e njohur të Kovragës, transmeton gazeta “Kosova Sot Online”.

Hamza ka thënë se do t’i mbështes të gjithë bujqit në Kosovë dhe do ta mbrojë punën e tyre.

Ai ka thënë se bujqit do të kenë më shumë suksese në tokën e tyre dhe do të jetojnë më mirë në vendin tonë.

“I rrethuar nga pemëtarët e vyeshëm të Kovragës së Istogut, shembuj të jashtëzakonshëm të suksesit.

Ne do t’i mbështesim të gjithë bujqit në Kosovë dhe do ta mbrojmë punën e tyre. Me grante investive, subvencione, qasje më të lehtë në financa, mekanizëm bujqësor dhe infrastrukturë përcjellëse, do t’i mbështesim në punë. Ndërsa, me masa parandaluese dhe sigurime bujqësore, do ta mbrojmë prodhimtarinë e tyre. Bujqit do të kenë më shumë suksese në tokën e tyre dhe do të jetojnë më mirë në vendin tonë. Kosova mundet ma mirë për bujqësinë. #MaMirë #PDK131”, ka shkruar Hamza.

(Kosova Sot Online)