Kurti: PDK-yhi e LDK-yhi nuk bëjnë sa LVV-ja
Kryeministri Albin Kurti në fjalimin e tij në Prishtinë iu është drejtuar simpatizantëve të partisë, transmeton gazeta “Kosova Sot Online”.
“Ajo që dihet nga rezultatet preliminare është se edhe PDK-yhi e LDK-yhi bashkë nuk bëjnë sa LVV-ja jonë”, ka thënë Kurti në tubimin në shesh të Prishtinës.
Më tej, ai i ka quajtur këto parti “hajvana”.
“Kanë bë marrëveshje me dreqin…Çfarë hajvanash…çfarë hajvanash, ka kalu koha e hajvanatit – e kanë marrë vesh sonte…Kur ne e thoshim një zotim, ia shtojshin nja 50 a 100 a 200 përqind”, tha ai.
“Hajnat kanë me shku në burg, se ky mandat është mandat….i drejtimit të drejtësisë me Byronë….me prokurori speciale kundër krimit dhe korrupsionit dhe vetting në sistemin e drejtësisë”, tha ai.
Kurti ka falënderuar qytetarët që e kanë votuar.
LVV-ja pritet të dalë e para në zgjedhjet e 9 shkurtit, e pasuar nga PDK-ja si e dyta, dhe LDK-ja e treta.
(Kosova Sot Online)
