Kallas: Ballkani Perëndimor është pjesë e familjes evropiane

Kryediplomatja e BE-së, Kaja Kallas, pohon se “Ballkani Perëndimor është pjesë e familjes evropiane”, transmeton gazeta “Kosova Sot Online”.

Këtë koment Kallas e ka bërë në rrjetin “X”, nga ku tregon se gjatë qëndrimit në Romë ka theksuar shpresën për zgjerimin e BE-së në pesë vitet e ardhshme.

“Ballkani Perëndimor është pjesë e familjes evropiane. Siguria jonë është e pandashme. Bashkëpunimi ynë është thelbësor”.

“Sot në Romë, nënvizova këtë perspektivë të përbashkët të sigurisë dhe shpresën tonë për përparim të vërtetë në pesë vitet e ardhshme në zgjerimin e BE-së, bazuar në progresin me reformat”, shkruan Kallas.

(Kosova Sot Online)