Mediat amerikane: Pauzat e ndihmave ushtarake për Ukrainën do të zgjasin
Media të mëdha amerikane si “Bloomberg” e “Fox News” raportortuan mbrëmë se presidenti i SHBA, Donald Trump, ka vendosur që t’i pauzojë ndihmat për Ukrainën, përfshirë edhe ndihmat ushtarake, transmeton gazeta “Kosova Sot Online”.
BBC raporton sot se deri më tani ende nuk është thënë asgjë nga vet presidenti Trump për këtë punë, përveç asaj që u tha nga Shtëpia e Bardhë gjatë natës.
Shtëpia e Bardhë i tha partnerit amerikan të BBC-së, CBS, se Trump “ka qenë i qartë” se ai “është i fokusuar në paqe”, duke shtuar “ne kemi nevojë që partnerët tanë të jenë të përkushtuar ndaj këtij qëllimi gjithashtu”.
“Ne po ndalojmë dhe rishikojmë ndihmën tonë për të siguruar që ajo po kontribuon në një zgjidhje”, shtoi Shtëpia e Bardhë.
Bloomberg dhe Fox News, të cilët u informuan nga zyrtarë të administratës, raportuan se pauza do të zgjasë derisa Presidenti Zelensky t’i tregojë Uashingtonit se është “i përkushtuar ndaj paqes”.
Administrata Trump po shqyrton gjithashtu shkurtimin e ndarjes së inteligjencës me Kievin,
(Kosova Sot Online)
