Starmer: Herët a vonë Putini do të vijë në tryezë

Kryeministri i Mbretërisë së Bashkuar Keir Starmer tha në një takim virtual me rreth 25 liderë botërorë të shtunën se ata duhet të ishin të përgatitur për të mbrojtur vetë çdo marrëveshje paqeje në Ukrainë, duke u kërkuar atyre që të vazhdojnë presionin ndaj Rusisë, transmeton gazeta “Kosova Sot Online”.

“Nëse [Presidenti rus Vladimir] Putin është serioz për paqen, është shumë e thjeshtë, ai duhet të ndalojë sulmet e tij barbare ndaj Ukrainës dhe të bjerë dakord për një armëpushim”, tha Starmer në video-lidhjen e liderëve nga Europa, Australia, Kanadaja dhe Zelanda e Re, shkruan The Guardian, transmeton Gazeta Express.

“Ne duhet të vazhdojmë të ecim përpara, të shtyjmë përpara dhe të përgatitemi për paqen dhe një paqe që do të jetë e sigurt dhe që do të zgjasë”.

Përpara se të nisë samiti virtual, Starmer tha se “bota po shikon”.

“Përshtypja ime është se herët a vonë [Putinit] do të vijë në tryezë dhe të përfshihet në diskutime serioze, por – dhe kjo është një gjë e madhe, por për ne këtë mëngjes në takimin tonë – ne nuk mund të rrimë duarkryq dhe thjesht të presim që kjo të ndodhë”.

“Mendoj se kjo do të thotë forcimi i Ukrainës në mënyrë që ata të mund të mbrojnë veten e tyre, si dhe forcimin, padyshim, në aspektin e aftësisë ushtarake, në aspektin e financimit, në drejtim të ofrimit të mbështetjes së mëtejshme nga të gjithë ne për Ukrainën”.

(Kosova Sot Online)