Kompromisi që mund ta bëjë Ramush Haradinajn President të Kosovës

Shkruan: Ragip Guraziu

“Nga vota e deputetëve të AAK-së do të varet edhe miratimi i marrëveshjes së Uashingtonit në Kuvendin e Kosovës, sikur që ndodhi gjatë mandatit të kaluar me votimin e demarkacionit. Atëherë u bë Kryeministër kurse tani dëshiron të bëhet President. Po mos të ishte Ramushi, ndoshta këta hektar tokë nuk do mundë ti përfitonte Mali i Zi, siç i përfitoj edhe Maqedonia Veriore, kur aso kohe nuk reaguan fare komandantët e UÇK-së që ,ishin mësuar vetëm për ta ruajtur pushtetin, për të dhënë tokë përmes kompromiseve dhe asnjëherë për të kundërshtuar seriozisht, e mos të flasim për të marrë”.

-Tani me të drejtë shtrohet pyetja lidhur me këto ndryshime të shpejta të qëndrimeve dhe me këto lajthitje: a mos vallë e ndryshoi Ramush Haradinaj qëndrimin kundërshtues kundër marrëveshjes së Vashingtonit, që na lë të dyshojmë se mos vallë i është premtuar kreut te AAK- s se do ta ketë votën për president të shtetit, vetëm e vetëm për ta bindur atë që ta mbështes edhe me vota në Kuvend marrëveshjen e Vashingtonit, pavarësisht vërejtjeve që i ka dhënë. Këtë arsye e ka ai me siguri, por do të jetë një cak I vështirë për tu arritur, prandaj është pak e pritshme që këtë qëllim, me këtë sjellje dhe ndryshim të shpejtë të qëndrimit, , do të mundë ta realizon. Sidoqoftë ai është duke lëvizur drejtë këtij qëllimi. Mendon se duke mbështetur këtë marrëveshje, pasi e tërhoqi kundërshtimin, do të jetë dhuratë për të pozita e Presidentit të ardhshëm, e rezervuar për Haradinajn, si një kompromis politik që votat e AAK- s të shkojnë pro kësaj marrëveshje.

Lexoni edhe:

Trashëgimia kriminale në politikë po e pengon zhvillimin dhe forcimin e Ushtrisë së Kosovës

Mbetet të presim e të shohim deri në atë moment por një gjë po shihet, e gjithë koha në politikë,Ramushit do i shkojë gjithnjë duke ëndërruar,dhe premtimet gjithmonë po mbeten boshe. Një i moshuar,derisa u takuam te Parku i Kryeqytetit, atu ku pensionistët dalin për çdo ditë në mëngjese, mu drejtuar dhe me tha: O gazetar- analist që po merresh me shkrimet, çka ka ky Ramushi bre që askund nuk po i zënë fjala në një vend! E morri përgjigjen dhe secili vazhduam në drejtimin e vetë. Dhe kjo ishte arsyeja pse Ramushi gjithnjë postet politike i ka kërkuar vetë, dhe më së miri na tregon puna e tij vetë, që fund e krye ishte kundërshtari më i fortë, kompromisi me Malin e Zi, dhe u pa se si reagonte e kundërshtonte mos me ndodhë ky kompromis me Malin e Zi, por kur e morri postin e Kryeministrit, desh u qartë deri sa e bëri gati vetë atë kompromis dhe u votua e njëjta marrëveshje për kufirin, ia dhurojë Malit Zi 82 mijë hektar tokë Kosove,dhe u rehatua.

Shkrimet në këtë rubrikë nuk shprehin qëndrimet e gazetës "Kosova Sot Online".