Bosët e krimit të organizuar, të lidhur me politikën, të pa prekshëm nga drejtësia kosovare

Shkruan: Blerim Burjani

Zhvillimet e dobëta në rendin e ligjin kanë bërë probleme të kësaj natyre që nuk ka ndonjë perspektivë të zhvillimeve demokratike në Kosovë. Mos ndëshkimi i politikanëve , mos ndëshkimi i partive korruptive dhe mos çregjistrimit i partive të cilat nuk tregojnë as burimet e financimit është një peshë e rëndë për shtetin e Kosovës. Mungesa e marrjes së masave kundër keqbërësve ka bërë që çështjet negative të marrin hov, të zhvillohen pa ndal dhe me nxitim.

-Gjasat janë shumë të vogla që në Kosovë te merren shembujt praktik të luftimit të krimit dhe korrupsionit të nivelit të lartë si ne shtetet e zhvilluara demokratike. Deri më tash nuk ka zhvillime pozitive, demokracia e brishtë , rendi dhe ligji i brishtë, sistemi gjyqësor nuk funksionon për të korruptuarit e nivelit të lartë, funksionon për të tjerët pa asnjë telashe. Mungesa e vullnetit politik dhe e detyrimit të atyre që në bazë të ligjit janë të thirrur për ta luftuar korrupsionin po ndikon në dobësimin e vazhdueshëm të imazhit ndërkombëtar për shtetin tonë të ri.

Lexoni edhe:

Tandemi Thaçi - Mustafa e kanë futur shtetin e Kosovës në rrugë pa krye, e pranuan Asociacionin e Komunave Serbe

Ende nuk ka asnjë zhvillim pozitive me këtë klase politikë të partive tashmë të dëshmuara për mos veprim adekuat në të gjitha fushat ku e kërkon interesi për avancimin e demokracisë dhe të sundimit të ligjit. Edhe në të ardhmen nuk ka as nuk do të ketë ndonjë shenjë të zhvillimit pozitiv. Më e keqja është se kjo po ndikon negativisht edhe në integrimet evropiane . Kjo ngathtësi po ju kushton shumë edhe qytetarëve të Kosovës. Qytetarët tonë po mbeten në pritje të kota me shpresën e liberalizmit të vizave. Kjo po i shkakton probleme të mëdha shtetit.

Shkrimet në këtë rubrikë nuk shprehin qëndrimet e gazetës "Kosova Sot Online".