Këta deputet nuk i meritojnë pagat që po i marrin, të mos flasim për luksin e pushimeve të verës!

Skender Kapiti

12 July 2021 - 07:35

Shkruan: ANALISTI-Skënder Kapiti

Dështimi në procesin ligjvënës tregon se çfarë kualitetesh kanë arritur dhe arrijnë gjithmonë që të marrin mandatin e deputetit të cilët të parën dhe më kryesore kanë interesin personal, rehatinë dhe përfitimin për vete, sepse dhe përderisa nga 17 seancat që janë mbajtur deri më tani në legjislaturën e tetë të Kuvendit të Kosovës, numri i proceduar i projektligjeve edhe nëpër procedurë para shqyrtimi në komisione është tepër i vogël dhe i papërfillshëm.

Lexoni edhe:

Dhurata Hoxha “kurban” i fillimit të dekriminalizimit në politikë dhe sistemin e drejtësisë

Deputetët e Kosovës janë “lodhur dhe janë stërmunduar” dhe prandaj edhe e meritojnë që të pushojnë e mundësisht të shkojnë në plazhet e Shqipërisë, pasi është bërë e modës në Kosovë që edhe për mbledhje të ndryshme të këshillave komunale dhe qeveritarët e Kosovës e gjejnë të arsyeshme që në shumë raste të mblidhen, të shqyrtojnë e të marrin edhe vendime nga hotelet luksoze në Shqipëri, dhe në këto raste edhe janë shpërblyer edhe me dieta.

Te politikanët shqiptarë parësore është përfitimi, privilegji dhe autoriteti i deputetit dhe jo puna , përgjegjësia e përkushtimi si përfaqësues i popullit dhe shërbimi ndaj tij, aq sa edhe e kanë edhe si të bajatshme dhe të “lodhshme” edhe qëndrimin ulur në parlament për të bërë e miratuar ligje. Kur nuk arrijnë që deputetët që të realizojnë as procedimin dhe as miratimin e ligjeve e si mund t’ju besohet atyre se ata kanë shkuar në parlament për të çuar zërin dhe hallet dhe për ta përfaqësuar atje popullin.