Qeveria t’ i bëjë ftesë Prokurorisë Speciale për t’i hetuar qerdhen kriminale të ndërtuar nga shefi i inteligjencës financiare, Dardan Nuhiu!

Shkruan: ANALISTI - Dardan Grapci

Qeveria e Kosovës duhet urgjentisht të kërkon vetë nga Prokuroria Speciale që ta arrestojnë Dardan Nuhiun dhe bashkepunetoret e tij ne Prishtine ne shpelarjen e qindra-miliona te parave te pista , për krimet e tij ekonomike që i ka bërë me nëntokën kriminale ne Prishtine. Qeveria aktuale dhe Prokuroria speciale nuk guxojne kurrsesi të heshtin para këtij rasti kriminal, por duhet të merren masa gjithëpërfshirëse e të menjëhershme.

-Të gjitha këto publikime të audio incizimeve duhet merren me seriozitet, nuk duhet Prokuroria e Kosovës të qëndroj pasiv, mendoj që të gjithë personat të cilët janë të përfshirë në këto afera të krimit të organizuar duhet të dalin para drejtësisë.

Lexoni edhe:

Urgjentisht të pastrohet shteti nga hajnat ordiner!

Mekanizmat institucional brenda KGJK-së dhe KPK- së, e kanë për obligim ta trajtojnë me shume seriozitet, dhe konform ligjit, çdo informatë që vë në dyshim punën, objektivitetin apo integritetin e individëve, brenda sistemit të drejtësisë. ndersa mediat dhe OJQ-të, i caktojnë vetë prioritetet e veta, mbi bazën e asaj që ata e gjykojnë se është e rëndësishme. Askush nuk ka të drejtë t’i mësoj çka duhet të bëjnë. Çdo kush pavarësisht postit dhe pozitës shoqërore, prezumohet si i pafajshëm derisa të vërtetohet e kundërta. E vërteta dhe drejtësia, e lyp kohën e vet. Prandaj edhe gjykatësi i krimeve të rënda në Gjykatën e Apelit, Driton Muharremi duhet të suspendohet dhe përjashtohet nga pozita e gjykatësit, si dhe Kryeprokurori i shtetit duhet të hetohet dhe intervistohet nga Prokuroria Speciale e Kosovës.

Keshtu duhet në qoftë se dëshirojmë me pas drejtësi dhe barazi për të gjithë para ligjit , këta persona duhet të largohen dhe arrestohen shpejt. E dimë të gjithë që në qoftë se një qytetar do ishte i dënuar për një vepër sado të vogël, dënimin do e kishte marrë edhe me gjobë edhe me burgim. Tash shtrohet pyetja se si ka mundësi që Driton Muharremi ende ka vazhduar me punën e tij si gjykatës?. Për këtë skandal duhet të merren në pyetje edhe avokatët të cilët e kanë bërë lidhjen dhe marrëveshjen kriminale me Driton Muharremin.

Qysh po shihet pas shqyrtimit të audio incizimeve që janë publikuar në media dhe përfshirjen e ish- Drejtorit të Njësisë së inteligjencës financiare në MEF - Dardan Nuhiut, Bordi i Mbikëqyrjes e ka larguar nga pozita e drejtorit Dardan Nuhiun, por nuk duhet pushuar me kaq.

Lexoni edhe:

Hajnat po kapen me “pelë për dore”, drejtësia të veprojë

Andaj e kam një pyetje për Qeverinë aktuale - Pse nuk po e hetoni këtë skandal menjëherë?, pse po lejoni që edhe ky rast sikur të tjerat raste me kalue sikur nuk ka ndodhë kinse asgjë. Qeveria e Kosovës duhet urgjentisht të kërkon vetë nga Prokuroria Speciale që ta arrestojnë Dardan Nuhiun dhe bshkepunetoret e tij, për krimet e tij ekonomike që i ka bërë me nëntokën kriminale te ndertimit ne Prishtine , dhe jo vetem. Qeveria aktuale nuk guxon kurrsesi të heshti para këtij rasti te rende e kriminal, por duhet të merren masa gjithëpërfshirëse e të menjëhershme.

Prishtina si kryeqytet është bërë si një copë toke ku çdo kush mund të bëj çka të don, prandaj edhe në Prishtinë po derdhen qindra miliona euro duke i pastruar paratë e pista , për atë arsye Prishtinës i ka humb hija e kryeqytetit, sa që sa më shumë ndërtime të egra dhe ilegale e kriminale po bëhen, aq më shumë qytetare po mashtrohen, dhe shumë kompani po pasurohen, kurse kualiteti i tyre është baras me zero. Mendoj që ka ardhur koha që njëherë e përgjithmonë kjo aferë të ndërpritet dhe të vazhdohet edhe në sferat tjera arrestimi i atyre që janë të përfshirë ne krime dhe mit-marrje per rreth 15 vite!.

Shkrimet në këtë rubrikë nuk shprehin qëndrimet e gazetës "Kosova Sot Online".