Kuvendi duhet të funksionoj, bllokimi është sjellje e papërgjegjshme

Shkruan: ANALISTI - Muhamet Kelmendi

Duket se në Kryesi të Kuvendit nuk dinë se çka është vota.  Kjo është ana normative. Por turpi është në aspektin e marrjes së votave nga deputetët, që ka karakter të besimit ndaj votuesve dhe të karakterit moral të deputetit. Nuk mund të kuptohet se pse votuesi i votojnë deputetët e njohur për punë jo serioze në Kuvend dhe për shkelje. Natyrisht se çështja është edhe te partia që i lejon të njëjtit të konkurrojnë. Këtu lypset ndoshta intervenim normativ për partitë dhe në Rregulloren e Kuvendit të sanksionohen më ashpër shkeljet e normave të punës së Kuvendit. Edhe në luftë me qenë vendi, Kuvendi aq sa mundet, duhet të funksionoi. Është obligim ligjor.

Mos funksionimi i Kuvendit buron kryesisht nga Kryesia dhe përgjegjësia e deputetëve dhe e partive politike. Këto përgjegjësi shkojnë bashkërisht. Ka mundësi, kuptohet me normat juridike në fuqi, që deputetët për disa çështje,  deri në 6 muaj, për mospjesëmarrje mos të largohen nga pozita e vetë. Mirëpo, nëse vazhdon me mos funksionim të Kryesisë për përcaktimin e seancave, sikundër edhe me mungesë kuorumi të organeve të Kuvendit, për organizimin e seancave të Kuvendit,  në aspektin juridik, ka mundësi që Kuvendi për bllokim të shpërbëhet dhe të shkohet në zgjedhje të reja. Nuk mund të funksionoj Qeveria pa Kuvend.

Lexoni edhe:

Urgjentisht duhet vepruar për ta pastruar drejtësinë e inkriminuar

Kuvendi ka pushtet legjislativ, ekzekutiv dhe gjyqësor. Në normat kushtetuese ka mungesa të mëdha juridike. Shumë çështje nuk janë mirë të sanksionuara. Këtu vijnë në punë interpretimet e ndryshme të normave kushtetuese në fuqi. Për këtë është Gjykata Kushtetuese e Republikës. Mos mbajtja e seancave ka sanksione financiare të përcaktuara me Rregulloren e punës së Kuvendit. Kjo  është një mënyrë e imponimit të deputetëve dhe të anëtarëve të Kryesisë të marrin pjesë në mbledhje.

Forma tjetër është nxjerrja e vendimeve sanksionuese ndaj çdo deputeti nga ana e Kryesisë dhe vetë Kuvendit në seanca plenare. Dhe  nëse tërë këto masa juridike nuk ecin, vije në pytje ekzistenca e organeve të zgjedhura. Pa Kuvend nuk ka pushtet funksional. Mos arritja e e nxjerrjes së vendimeve në Kryesi është rrjedhojë e mos dijes së udhëheqësit të Kuvendit për funksionim. Kjo për faktin se pjesëmarrja në takime, pa përcaktuar seancat dhe rendin ekzistues të seancave, tregon paaftësinë e udhëheqjes së Kuvendit. Duket se në Kryesi të Kuvendit nuk dinë se çka është vota.  Kjo është ana normative. Por turpi është në aspektin e marrjes së votave nga deputetët, që ka karakter të besimit ndaj votuesve dhe të karakterit moral të deputetit. Nuk mund të kuptohet se pse votuesi i votojnë deputetët e njohur për punë jo serioze në Kuvend dhe për shkelje. Natyrisht se çështja është edhe te partia që i lejon të njëjtit të konkurrojnë. Këtu lypset ndoshta intervenim normativ për partitë dhe në Rregulloren e Kuvendit të sanksionohen më ashpër shkeljet e normave të punës së Kuvendit. Edhe në luftë me qenë vendi, Kuvendi aq sa mundet, duhet të funksionoi. Është obligim ligjor.

Shkrimet në këtë rubrikë nuk shprehin qëndrimet e gazetës "Kosova Sot Online".