Lexoni edhe:
Rrethanat për anëtarësim në Këshillin e Evropës janë në anën e Kosovës
Me konsulencë të Komisionit të Venedikut pa vonesë të finalizohen Ligji për Konfiskim të pasurisë dhe Byronë Shtetërore
Xhevat Meha
Shkruan: ANALISTI-Xhevat Meha
Kjo zvarritje e deritashme më shtynë të vij në përfundimin se kjo vizitë nga Komisioni i Venedikut do të duhej të ishte finalizim i Ligjit për Konfiskim të pasurisë dhe Byronë Shtetërore për Verifikimin dhe Konfiskimin e Pasurisë së Pajustifikueshme dhe Ligjit për Vettingun. Këto dy ligje janë baza mbi të cilën pritet të kryhen ndryshimet e nevojshme për fuqizim të zbatueshmërisë së ligjit në Kosovë.
-Se a është vizita e tanishme nga zyrtare te Komisionit te Venedikut në funksion të fazës së fundit të finalizimit te pakos ligjore për përmbylljen e ndryshimeve në institucionet përgjegjëse për zbatim të ligjit, përgjigja e shkurt është se do të duhej të ishte. Kjo përgjigje kërkon edhe shpjegime të mëtejme.
Ndryshimet që qytetarët i kërkojnë dhe presin në fuqizimin e zbatueshmërisë së ligjit në Kosove janë zotimet që kanë marr prijësit politik të listave fituese në votimet e fundit. Janë po të njëjtit individ që besimin qytetar e kanë marr edhe në votimet e tetorit të vitit 2019 bazuar në programet qeverisëse të paraqitura para qytetarëve nga LDK dhe VV. Është program i njëjtë dhe zotime të njëjta që janë paraqitur para qytetarëve të Kosovës në vitin 2019 e tani jemi në vitin 2022 dhe ende nuk është marr asnjë vendim nga Kuvendi i Kosovës për të vënë në jetë ndryshimet e marra përsipër nga këto programe qeverisëse.
Kjo qartazi është zvarritje e punëve. Kjo zvarritje e deritashme më shtynë të vij në përfundimin se kjo vizitë nga Komisioni i Venedikut do të duhej të ishte finalizim i Ligjit për Konfiskim të pasurisë dhe Byronë Shtetërore për Verifikimin dhe Konfiskimin e Pasurisë së Pajustifikueshme dhe Ligjit për Vettingun. Këto dy ligje janë baza mbi të cilën pritet të kryhen ndryshimet e nevojshme për fuqizim të zbatueshmërisë së ligjit në Kosovë.
Shkrimet në këtë rubrikë nuk shprehin qëndrimet e gazetës "Kosova Sot Online".
