Apel për Presidentin Turk Recep Tayyip Erdoğan

Shkruan: Sociologu –Fadil Maloku

Diplomacia  shqiptare (Kosovë-Shqipëri e Maqedoni e Veriut), në koordinim me Amerikën dhe Turqinë sidomos, në rast se e dëshirojnë njëmendësisht anëtarësimin e Kosovës në NATO, DUHET urgjentisht të lobojnë sa të munden për Anëtarësim të përshpejtuar (duke dorëzuar të paktën një Kërkesë Zyrtare me Shkrim, të Protokoluar) në Zyrat e NATO-s.

Në ndërkohë shteti turk, nëse dëshiron të dëshmojë (kundruall miqësisë me Serbinë!) interesin e vetë gjeostrategjik e sidomos atë ushtarako – gjeopolitik në këtë pjesë të Ballkanit Perëndimor, rast më të mirë për ta forcuar e ushtruar në faza afatgjata, këte lidhje historike, tani për tani s’ka! Turqia, s’duhet ta ushtroj të drejtën e VETOS (që ia garanton “Kushtetuta” e brendshme, e NATO-s) për anëtarësim ndaj Suedisë dhe Finlandes. Ajo këtë lojalitet, do të duhej ta “përdorte” (jo me eufemizëm) përmes interesimit dhe angazhimit të saj praktik e pragmatik që edhe Kosova, të anëtarësohet në NATO. Rast më historik se ky tani, s’ka pas. Andaj bëjë apel që përveç “bulduzher diplomacisë” turke, të kyçet edhe vetë Presidenti.

Turqia, “argumentin” që është duke e përdorur për ta bllokuar anëtarësimin e Finlandës dhe Suedisë (për “përkrahjen e terrorizmit”, që mund të rezultojë edhe me të drejtën e përdorimit të VETOS!), është aq i LODHSHËM, sa që është shumë vështirë për t’i besuar se e ka përnjëmend ajo ta bëjë këtë!? Ngase, si të shpjegohet që Turqia është kah bë investime kyçe kapitale në një Serbi që; vrau, preu dhe bëri pesë luftëra terorriste e gjenocidiale (kujto vetëm; Srebrenicën dhe masakrimin e afër 10.000 fëmijëve, grave, burrave e pleqve) në rajon!?

 Shkrimet në këtë rubrikë nuk shprehin qëndrimet e gazetës "Kosova Sot Online".