Gjetjet e Departamentit Amerikan të Shtetit argument pse pushteti në Qeverisje të Shqipërisë duhet të rrëzohet përmes votës së qytetarëve të plaçkitur e të mashtruar

Shkruan:ANALISTI - Dardan Grapci

Raporti i fundit nga Departamenti Amerikan i Shtetit për Shqipërinë duhet të merret seriozisht nga qytetarët e Shqipërisë, sepse Amerika është i vetmi shtet që mendon për forcimin e të gjitha shtyllave të shtetit ligjor në Shqipëri, ofron siguri për sovranitetin dhe integritetin. Prandaj qytetarët duheni të mendojë për të ardhmen e tyre dhe të shtetit, duke i votuar njerëzit e duhur, e jo ata që e kanë bërë Shqipërinë shtet mafioz dhe të korruptuar.

-Mos të harrojmë se SHBA-ja ka qenë ajo e cila shqiptarët i ka shpëtuar nga kthetrat e bandave ilegale të narkotikëve, prandaj edhe tash e kanë shansin të dalin dhe votojnë pa pasur frikë.

Ky pushtet që është momentalisht në Qeverisje të Shqipërisë duhet të rrëzohet përmes votave të qytetarëve, duke i sjellë njerëzit e rinjë që dijnë, dhe e dëshirojnë një Shqipëri me reforma evropiane dhe demokratike. Gjithashtu korrupsioni në Shqipëri është duke i aplikuar haptas para syve të tyre, prandaj edhe shtrohet pyetja - pse po heshtin?. Raporti i fundit I DASH-it për Shqipërinë, është vetëm një dëshmi plus pse qytetarët në zgjedhjet e këtij viti duhet votuar për një qeverisje lokale të ndryshuar dhe rrënjësisht të transformuar, për ta pastruar atë nga rrjetet kriminale të krimit të organizuar.

Lexoni edhe:

Taktizimi i Aleksandër Vuçiqit në Ohër me tri fitoret e reja duke mos nënshkruar marrëveshjen dhe mashtruar faktorin ndërkombëtar

Tashmë askush nuk mundë ta fshehë faktin se Raporti i fundit i DASH-t e tregoi Shqipërinë e vërtetë, një shtet i sunduar nga bandat e instaluara nga vetë pushteti, me sistem të drejtësisë të kapur, ndikuar e jo e lirë, korrupsion i frikshëm, po ashtu edhe media të kapura nga mafio-politika! Të gjeturat e raporti të DASH-it zbuluan se si babëzia dhe egoja e sëmurë e Edi Ramës për të kapur çdo pushtet dhe kufizimi i çdo mediumi për të thënë i lirë dhe i pavarur atë që sot po ndodh në Shqipëri, po e çojnë vendin në zgrip të kufizimit të demokracisë si kurrë më pare dhe mos funksionim të sistemit të drejtësisë. Po ashtu Raporti i Departamentit Amerikan të Shtetit praktikisht me të gjeturat e theksuara ka treguar pse duhet rrëzuar një qeveri të kalbur që qëndron ende në pushtet me forcën e parave të pista dhe shpërdorimit të çdo resursi shtetëror sa herë që ka procese zgjedhore. Gjendja e krijuar në Shqipëri gjatë këtyre viteve të qeverisura nga Rama dhe klani i tij e vënë një pikëpyetje shumë të madhe se a ka sot Shqipëria drejtësi të pavarur ashtu siç parashikohet në kushtetutë.

Shkrimet në këtë rubrikë nuk shprehin qëndrimet e gazetës "Kosova Sot Online".