Policia e Kosovës është arma kryesore për të siguruar tërësinë territoriale, sovranitetin dhe rendin e sigurinë në Kosovë

Shkruan: ANALISTI - Muhamet Kelmendi

Para 24 vjetëve, u formua Policia e Kosovës, dhe nga ajo kohë Policia e Kosovës ka bërë hapa të rëndësishëm dhe ka arritur që të bëhet forca kryesore për ruajtjen e sovranitetit dhe të rendit e sigurisë të shtetit të Kosovës. Natyrisht se kjo forcë e shtetit të Kosovës ka shumë punë për të bërë, si brenda vetvetes, ashtu edhe nga shteti kundruall Policisë së Kosovës.

-Policia e Kosovës, brenda vetvetes ka nevojë në spastrimin e radhëve nga keqbërësit, nga shkelësit e normave ligjore dhe veprimet kriminale. Këtu, duhet të bëjë punë që të jenë të sigurte në ruajtjen e aktiviteteve policore dhe të të gjitha veprimeve policore. Asgjë nuk guxon të dali jashtë saj. Nga jashtë, shteti, kërkohet që kundruall Policisë së Kosovës të kryeje shumë detyra.

Lexoni edhe:

Takimi Osmani Stoltenberg në funksion të anëtarësimit më të shpejtë të Kosovës në Aleancën Veriatlantike

Me ato shndërrohet Policia në forcë të aftë dhe shumë frytdhënëse të shtetit. Këtu lypsen: 1. Të pajiset Policia e Kosovës me mjete të domosdoshme për veprime policore kudo në Republikë. 2. Policia e Kosovës të aftësohet dhe të profesionalizohet pa ndërprerë nga ekspertët që vijnë nga shtetet mike të Kosovës dhe të SHBA-ve. 3. Të ngritën të ardhurat personale në raport me gjendjen ekonomike e sociale në vend. 4. Policisë së Kosovës t' iu sigurohet sigurimi pensional dhe invalidor dhe ai familjar dhe 5. Të kenë policët e Kosovës sigurime shëndetësore. Çështjet e tilla kanë rëndësi të madhe për ngritjen e profesionalizmit dhe të sakrificës së policëve në Kosovë. Kur ka kujdesje nga shteti dhe nder, edhe puna e policëve ka efekt. Policët bëjnë atëherë çdo sakrificë.

Shkrimet në këtë rubrikë nuk shprehin qëndrimet e gazetës "Kosova Sot Online".