Franca i ka borxh të madh kombit shqiptar për ndarjen, kurse Thaçi dhe Mustafa vendosën edhe firmat e tyre në copëtimin e fundit të Kosovës në Bruksel!

Shkruan: Muhamet Kelmendi

Në Konferencën e Paqes në Paris në vitin 1919 ishte përsëri Parisi, i cili jo vetëm që i la këto vise nën sundimin sllav, po kërkoj që edhe Shqipëria të ndahet midis shteteve greko-sllave në Ballkan. Falë SHBA-se plani Francës nuk u realizua. Edhe pas Luftës së Dytë Botërore ishte përsëri Franca që mbrojti pushtimin e viseve shqiptare nga shtetet Ballkanike. Në Konferencën mbi ish-Jugosllavinë, të vitit 1992, në Londër, ishte presidenti francez, Fransoa Miterran, i cili e kundërshtoi shtetin e Kosovës.

Në analizën e bërë lidhur me qëndrimet e Francës ndaj çështjes shqiptare dalin disa fakte shumë domethënëse të qëndrimit tejet antishqiptar të Parisit. Ato janë shumë të rënda dhe çdo herë përball çështjes shqiptare, në favor të shtetit serb, malazez dhe grek. Fillon kjo me këtë radhë të fakteve:

-Në mesjetë për 80 vjet ishte Durrësi i pushtuar nga Franca. Lufta ishte e ashpër e durrsakëve kundër Francës. Durrësi u çlirua. Kongresin Berlinit shënon fillimin e armiqësisë së Francës ndaj shqiptarëve. Me ndihmën dhe ndikimin e Parisit në vitin 1878 në Berlin iu aneksuan Serbisë viset e Nishit, Leskovcit, Prokupljes, Pirotit etj., përkatësisht tërë Kosova Veri-Lindore. Krahas kësaj, Franca ishte shteti që e detyroi Kongresin e Berlinit, në vitin 1878, që edhe Plava dhe Gucia, Hoti dhe Gruda, Tivari dhe Ulqini t' i aneksohen Malit të Zi. Dhe, në realizimin e vendimit të Kongresit, pas dështimit të ushtrisë malazeze për pushtimin e këtyre territoreve, ushtria franceze e rrethon Ulqinin dhe në vitet 1878-1881 e merr me dhunë nën kontrolle Ulqinin dhe ia dorëzon Malit të Zi.

Lexoni edhe:

Të shtohet në maksimum angazhimi për lobim dhe anëtarësimit në NATO për siguri të shteti dhe garanci të sovranitetit

Për këtë kishte dërguar Parisi disa luftanije dhe rreth 10 mijë ushtarë që i detyruan luftëtarët e Lidhjes Shqiptare të Prizrenit të largohen nga Ulqini, Plava dhe Gucia e Tivari dhe, ato vende iu dhanë nga Franca Malit të Zi. Edhe disa vise rrethore të Shqipërisë së Jugut, iu dhanë (aneksuan) Greqisë, ndërsa territore të vilajeti të Kosovës me anën e ushtrisë franceze iu dhanë Serbisë dhe Malit të Zi, si rregulltat i vendimeve të Kongresit.

Në Konferencën e Ambasadorëve të vitit 1912-1914 ishte përsëri Franca që ishte më e ashpra ndaj kombit shqiptar.Me kërkesën e Francës, të Anglisë dhe të Rusisë, iu shkëputën shtetit shqiptar territoret tjera shqiptare. Shqipëria u nda në gjysmë. Franca kërkoi dhe kërcënoi me forcë që Vilajeti i Kosovës të pushtohet tërësisht nga Serbia. Kështu u pushtua Kosova, Kosova Lindore dhe viset shqiptare nën Maqedoni, si Shkupi, Kumanova, Tetova, Gostivari, Kërqova, Ohri, Prespa e Manastiri. Ndërsa, Greqisë iu aneksua Janina dhe Çamëria, dy krahina tipike shqiptare. Në vitin 1917 nga Selaniku ushtria franceze marshoi në territoret shqiptare dhe i pushtoi përsëri viset e përmendura, përkatësisht Kosovën duke i vu nën kontrollin ushtarak të shtetin serb, që në vitin 1918 u shndërrua ky shtet në Mbretërinë Serbo-Kroate dhe Sllovene. Në Konferencën e Paqes në Paris në vitin 1919 ishte përsëri Parisi, i cili jo vetëm që i la këto vise nën sundimin sllav, po kërkoj që edhe Shqipëria të ndahet midis shteteve greko-sllave në Ballkan.

Falë SHBA-se plani Francës nuk u realizua. Edhe pas Luftës së Dytë Botërore ishte përsëri Franca që mbrojti pushtimin e viseve shqiptare nga shtetet Ballkanike. Në Konferencën mbi ish-Jugosllavinë, të vitit 1992, në Londër, ishte presidenti francez, Fransoa Miterran, i cili e kundërshtoi shtetin e Kosovës. Ky ishte ai që e la përsëri në Konferencë Kosovën nën sundimin serb. Nga konferenca doli çështja shqiptare si çështje inekzistente.

Lexoni edhe:

"Kosova Sot" 25 vjet në funksion të fjalës dhe shprehjes së mendimit të lirë!

Ndërsa, Kosova si vend serbë e viset shqiptare nën Maqedoni e nën Malin e Zi iu dhanë atyre shteteve, tamam si dhuratë. Armiqësia e Francës del edhe në vitin 1999. Në këtë vit, Kosova Veriore ra nën kontrollin e ushtrisë franceze. Ata e krijuan shtetin serb në Veri dhe i larguan së bashku me serbët shqiptarët nga shtëpitë e veta. Tash po sanksionohet ky shtet edhe me akte juridike ndërkombëtare. Po kjo politikë u përkrahe tash ca vite nga udhëheqja e Kosovës dhe e Shqipërisë. Madje, Thaçi dhe Mustafa vendosën edhe firmat e tyre në copëtimin e fundit të Kosovës në Bruksel.

I theksova vetëm disa fakte, të cilat tregojnë se si Franca, shteti i lirive dhe të drejtave, ndaj çështjes shqiptare, ishte armiku më i madh. Ajo e ndau dhe e copëtoi kombin tonë dhe e krijoj Greqinë e Madhe, Serbinë e Madhe dhe Malin e Zi. Ndërsa, në vitin 1992 edhe Maqedoninë mbi territoret shekullore shqiptare. Prej shteteve të mëdha, Franca i ka borxh shumë të madh kombit shqiptar. Natyrisht se nuk përjashtohet as përgjegjësia e Anglisë dhe, sidomos e Moskës, sepse këto ishin së bashku kur e ndanë dhe e copëtuan kombin shqiptar. Në historinë e 2oo vjetëve mbetet Franca përgjegjëse kryesore dhe më e ashpra ndaj shqiptarëve. I takon që këtë përgjegjësi historike të shndërroj në miqësi dhe mbi Parisin bie barra më e madhe për bashkimin e shqiptarëve në një shtet.

Shkrimet në këtë rubrikë nuk shprehin qëndrimet e gazetës "Kosova Sot Online".