Lexoni edhe:
Komisionet hetimore nga deputetët të jenë efektive dhe profesionale, jo lojëra diletantësh për përfitime materiale
'Borell dhe Lajçak urgjentisht të përjashtohen nga procesi ndërmjetësues në dialog me Serbinë'
Muhamet Kelmendi
Shkruan: ANALISTI - Muhamet Kelmendi
Tash e 12 vjet kemi takime të Kosovës me Serbinë dhe nuk ka një marrëveshje përfundimtare. E kjo u bë duke lëshuar rrugë BE kundruall shtetit serb. Mirëpo, gjendja më e rëndë erdhi me ardhjen e z.Borel dhe të z. Lajcak në krye të dialogimit. Këta e dëmtuan për vdekje. Raportet u bënë më të renda.
Tandemi Borel dhe Lajçak e dëmtuan tërësisht dialogun. Dolën me anën serbe dhe tash e kemi një gjendje të rëndë, për të mos thënë edhe shpërthyese.
Z.Borel është zëvendës president i Këshillit të Evropës dhe kompetent për politikën e jashtme të BE-së. Masat e përcaktuara nga BE-a për Kosovën e kapin edhe fushën e kontakteve të UE-së me Kosovën. Këtej është edhe deklarata kundër kontakteve me Kosovën. BE flete në politikën e jashtme nëpërmjet z.Borel. Natyrisht se shumë shtete nuk e dëgjojnë në qëndrimet ndaj Ballkanit Perëndimor. Kjo, për faktin se z.Borel e ka keqpërdorur pozitën e vetë në BE dhe ka dalur drejtpërdrejtë në anën e shtetit serb, kundër Republikës se Kosovës. Animi i z.Borel dhe të z. Lajcak në anën e shtetit serb kundruall Kosovës është edhe shkak i gjendjes aktuale të rëndë që xhindet në Ballkan. Ka mendime se kjo afërsi e tyre me kriminelin Vuçiq e ka futë atë edhe në organizimin e sulmit terrorist në Banjske, duke pretenduar aneksimin e veriut.
Mendohet se këtu është shkaku i largimit të policëve serb nga puna në veri të Kosovës, vitin e kaluar, si dhe të administratës, të gjykatësve e të prokurorëve, deri edhe te bojkotimi i zgjedhjeve të mbajtura në katër komunat në veri të Republikës.
Tash e 12 vjet kemi takime të Kosovës me Serbinë dhe nuk ka një marrëveshje përfundimtare. E kjo u bë duke lëshuar rrugë BE kundruall shtetit serb. Mirëpo, gjendja më e rëndë erdhi me ardhjen e z.Borel dhe të z. Lajcak në krye të dialogimit. Këta e dëmtuan për vdekje. Raportet u bënë më të renda.
Tandemi Borel dhe Lajçak e dëmtuan tërësisht dialogun. Dolën me anën serbe dhe tash e kemi një gjendje të rëndë, për të mos thënë edhe shpërthyese. Z.Borel as pas aktit terrorist kundër Republikës së Kosovës me 24 shtator, kur u sulmua Policia e Kosovës në Banjske të Zveçanit dhe kur u kapen armë e plane për ta aneksuar me dhunë e veriun në Kosovës nuk e dënoi terrorin dhe nuk kërkoi masa dënuese për shtetin serb.
Me rastin e tillë de-fakto u pa pozita e z.Borel dhe e z.Lajçak.
Kosova nuk çuditet. Ka kohë që dihet anësimi i z. Borelit dhe z. Lajçakut për shtetin serb. Kurrë ata nuk e përmendën si emërtim shtetin e Kosovës. Asnjëherë nuk u barazua në dialog Kosova me Serbin. Kërcënimi i politikanëve në Zagreb shkon në këtë vije. Ata e duan izolimin total të Kosovës. Punuan dhe punojnë për shkatërrimin e Republikës. Z.Borel flet në emër të BE-së, mirëpo vepron në llogari të Spanjës që nuk e ka njohur shtetin e Kosovës dhe të klanit serbo-sllav në Ballkan.
Pse tolerohet nga UE? Shkaku është te rrezikimi i BE-së në ekzistencën e vetë nga shtetet pro sllave. Këtu është Hungaria, Rumania, Greqia, Spanja, Qiproja dhe Sllovakia.
Tolerohen për ta ruajtur Bashkimin Evropian. E këtu animi nga Serbia nuk konsiderohet në fakt për të marrë masa kundër z Borel dhe z.Lajçak. Tolerohen edhe nuk merren masa.
Natyrisht se qëndrimet e z.Borel nuk kanë efekt te shumica e shteteve në BE. Shumë shtete nuk veprojnë me politikën e BE-së. Mbi disa shtete ka ndikim të kontrolluar. E disa nuk e dëgjojnë. Kjo kështu do të vazhdon deri në zgjedhjet që mbahen në vitin 2024. Duket se aty përfundon mandati i z.Borel dhe te z. Lajçak.
Shkrimet në këtë rubrikë nuk shprehin qëndrimet e gazetës "Kosova Sot Online".
