Sistemi i drejtësisë urgjentisht duhet pastruar nga lidhjet e forta të bashkëjetesës me krimin e organizuar

Shkruan:ANALISTI-Dardan Grapci 

Se sa thellë është e lidhur drejtësia me krimin në Kosovë e tregon edhe rasti i së premtes 26 korriku ku për shkak se në seancën caktuar nuk ishte i pranishëm askush nga Prokuroria Speciale e Republikës së Kosovës (PSRK), ka dështuar të nisë gjykimi ndaj ish-prokurorit Metush Biraj për shkak të veprës penale “marrja e ryshfetit” dhe të dy të tjerëve Shkodran Pulaj dhe Naim Osmani për veprën penale “dhënia e ryshfetit”. 

-E kam cekur shumë herë,  dhe do e them përsëri, së gjyqtarët dhe prokurorët në Kosovë janë e zeza e qytetarëve, e zeza e madhe e këtij populli, sepse  në vend që ta mbrojnë viktimën ata e mbrojnë dhe e lirojnë të akuzuarit, pra kryesit e krimit,  kurse viktimën madje në ndonjë rast edhe  e kërcënojnë,  ose i thonë që mos të ankohet tutje. Qeveria e Kosovës nuk duhet të pres më, por  në bashkëpunim me faktorin ndërkombëtar duhet që sa më shpejtë që është e mundur ta përmbyllin procesin e filluar e të mbetur pezull lidhur me ligjin e Vettingut.  Nuk po ndodhin këto keqpërdorime nga zyrtarët  e sistemit të drejtësisë vetëm në një vend, sikur që ishte rasti i fundit vetëm ne Prizren, por kudo brenda territorit të Kosovës, në sistemin e drejtësisë ka devijime, keqpërdorime, korrupsion e çka jo tjetër, vetëm drejtësi të mirëfilltë dhe profesionale jo . Prandaj Prokuroria Speciale e Republikës së Kosovës (PSRK) duhet të jetë sa më serioze, duhet ti mbron dhe argumenton gjithmonë aktakuzat të cilat i ndërton dhe paraqet para gjykatës me fakte.  Ndryshe më mirë le të mbyllen dhe mos të ekzistojnë, sepse me quajt veten prokurorë e nga ana jetë të korruptohesh, atëherë shtrohet pyetja se ku është këtu Ligji dhe ku ka mbetur betimi për zbatim të drejtë dhe të pa anshëm të ligjit?.

Lexoni edhe:

BE i jep Serbisë goditjet e para paralajmëruese, marrëveshja e dakorduar me Kosovën në Bruksel dhe në Ohër e obligueshme ligjërisht për tu zbatuar

Gjithashtu nuk është hera e parë që prokurorët apo të akuzuarit nuk paraqiten para gjykatës, sepse janë mësuar me mos prezencën e tyre, sepse me këtë sjellje ata edhe  mundë ta shpëtojnë klientin, pra kur bëhet falë për mungesën e prokurorit,  ose të shpëtohen nga dënimi i merituar të akuzuarit, kur bëhet fjalë për mungesën e vazhdueshme nëpër seanca të personave të akuzuar të cilët do të duhej dhunshëm të kapen e të dërgohen në gjykatë.  Nëse vazhdohet me këtë trend nga gjykatat e Kosovës, atëherë unë i bej apel edhe Ambasadës amerikane në Prishtinë që ta sjellë në Kosovë një kontingjent hetuesish të  CIA-s dhe FBI-së për ti hetuar lidhjet e nëntokës së krimit të organizuar që i kanë  zyrtarët e shumë në sistemin e drejtësisë, së bashku me krerët politik. Pra le të hetohet e gjithë politike dhe  sistemi  gjyqësor dhe shërbimi policor. Unë mendoj se pikërisht aktakuza e ngritur ndaj zyrtarëve të gjykatës në Prizren për keqpërdorim të pozitës së tyre zyrtare,  është vetëm edhe një fakt tjetër në kulmin e piramidës së korrupsionit dhe krimit të organizuar, që ka kapur me dekada sistemin e drejtësisë në Kosovë, dhe parandej është vetëm ligji Vetting ai përmes të cilit do mundët për tu pastruar e  çliruar, dhe profesionalizuar.

Siç është raportuar të premten, Prokuroria Themelore në Prizren, Departamenti i Krimeve të Rënda, ka ngritur aktakuzë kundër të pandehurve D.H., dhe I.I., për shkak të dyshimit të bazuar mirë se të njëjtit në bashkëkryerje kanë kryer veprën penale “Keqpërdorimi i pozitës apo autoritetit zyrtar” nga neni 414, paragrafi 2 lidhur me paragrafin 1 lidhur me nenin 31, të Kodit Penal të Republikës së Kosovës (KPRK). Ata akuzohen se nga data 04.04.2022 e deri me datë 26.01.2024, pra për dy vite të plota, duke shfrytëzuar akomodimin e tyre  në zyrën për ekzekutimin e sanksioneve penale pranë Gjykatës Themelore në Prishtinë, në cilësinë e personave zyrtar – duke shfrytëzuar detyrën apo autoritetin zyrtar,  D.H., në pozitën e bashkëpunëtorit profesional në zyrën e ekzekutimit të sanksioneve penale si dhe I.I., në pozitën e referentit në zyrën e ekzekutimeve të sanksioneve,  në bashkëkryerje nuk i kanë përmbushur  detyrat zyrtare, me qëllim të përfitojnë për vete ose për personin tjetër, në atë mënyrë që me dashje nuk i kanë dorëzuar, duke i fshehur Urdhëresat e Gjykatës Themelore në Prishtinë për ekzekutimin e dënimeve, dhe atë nëntë (9) lëndë, të cilat kanë qenë dashur të dërgohen për ekzekutim duke i mundësuar të dënuarve, t’i shmangen mbajtjes së dënimit me burg, apo kryerjes së pagesave në emër të dënimit të shqiptuar në të holla, duke i shkaktuar dëm sistemit gjyqësor.

Pra kemi të bëjmë me një lidhje direkt me krimin, të dëshmuar dhe të faktuar e cila nuk do të duhej  shpëtuar pa u ndëshkuar ashpërsisht penalisht. Se sa thellë është e lidhur drejtësia me krimin në Kosovë e tregon edhe rasti i së premtes 26 korriku ku për shkak se në seancën caktuar nuk ishte i pranishëm askush nga Prokuroria Speciale e Republikës së Kosovës (PSRK), ka dështuar të nisë gjykimi ndaj ish-prokurorit Metush Biraj për shkak të veprës penale “marrja e ryshfetit” dhe të dy të tjerëve Shkodran Pulaj dhe Naim Osmani për veprën penale “dhënia e ryshfetit”. Aktakuza ndaj ish-prokurorit Biraj dhe dy të tjerëve u ngrit më 4 mars 2024.

Shkrimet në këtë rubrikë nuk shprehin qëndrimet e gazetës "Kosova Sot Online"