Dialogu me Serbinë mbi baza të barabarta dhe pa presion të BE-së ndaj Qeverisë Kurti për Asociacionin

Shkruan: ANALISTI - Blerim Burjani 

Në Kosovë nuk ka konsensus nacional për të themeluar një asociacion të tillë. Kjo i ka mbyllë kaherë rrugën për themelimin e një Asociacioni të tillë. Presioni ndaj Kosovës kurse tolerimi i Serbisë për gjithçka çka thotë për Kosovën, dhe pengesat që ia bënë  i ka sjellë raportet me BE-në  deri këtu. Përderisa SHBA do të fillojnë të largohen nga një politikë e tillë,  nëse vazhdon BE siç ishte kushtëzimi me  anëtarësim në KE, kjo për SHBA nuk ka kuptim sipas mendimit tim , sepse SHBA-të e përkrahin aleatin e tyre për të qenë pjesë e organizatave ndërkombëtare por mundë të mos e përkrahin në disa çështje tjera kruciale.

-Së pari ky këshilltari i Kurtit që ka reaguar së fundi ndaj deklaratës së Komisionari për zgjerim i BE-së, Oliver Varhelyi, s’ka legjitimacion me iu drejtua Komisionarit të lartë të BE-së  dhe nuk ka mandat as popullor,  është thjeshtë një këshilltar.  E dyta deklarimi duhet të jetë nga njerëzit me përgjegjësi mandatore të popullit,   pra i Kurtit , Bislimit apo Ministrit të Punëve të Jashtme. Lidhur me këtë çështje, pra për Asociacionin që e ka apostrofuar zyrtari i BE-së, po e  them edhe njëherë mendimin tim.  Nuk do të ketë Asociacion me Kurtin asnjëherë. Kjo çështje ka përfunduar në premtimin e dhënë të Kurtit edhe  në fushatë zgjedhore .Mendoj se është gabim të ushtrohet presion ndaj Kosovës e më  së paku të kushtëzohet. Më e keqja është kushtëzimi me anëtarësim në organizata ndërkombëtare  apo si herën e fundit me Këshillin e Evropës.

Lexoni edhe:

Dashuria dhe abuzimi me emrin e Rugoves!

Kjo vetëm i zbeh marrëdhëniet për një çështje të brendshme të Kosovës siç është nevoja për themelim apo jo të një asociacioni mono etnik  që vlerësohet kundër kushtetues. Në Kosovë nuk ka konsensus nacional për të themeluar një asociacion të tillë. Kjo i ka mbyllë kaherë rrugën për themelimin e një Asociacioni të tillë. Presioni ndaj Kosovës kurse tolerimi i Serbisë për gjithçka çka thotë për Kosovën, dhe pengesat që ia bënë  i ka sjellë raportet me BE-në  deri këtu. Përderisa SHBA do të fillojnë të largohen nga një politikë e tillë,  nëse vazhdon BE siç ishte kushtëzimi me  anëtarësim në KE, kjo për SHBA nuk ka kuptim sipas mendimit tim , sepse SHBA-të e përkrahin aleatin e tyre për të qenë pjesë e organizatave ndërkombëtare por mundë të mos e përkrahin në disa çështje tjera kruciale. Pra SHBA duhet dalngadal të mendojnë ndryshe nga BE në temën e anëtarësimit në organizata ndërkombëtare. 

Shkrimet në këtë rubrikë nuk shprehin qëndrimet e gazetës "Kosova Sot Online".