Lexoni edhe:
Si ishte rrëmbyer polici nga alienët
Gjendet avull uji në satelitin e Jupiterit. Mos ndoshta kushtet atmosferike janë të përshtatshme për jetë?
Për herë të parë në atmosferën e Ganymede-s, satelitit më të madh të Jupiterit, është gjetur avull uji.
Agjencia amerikane e hapësirës, NASA, publikoi në revistën “Nature Astronomy” rezultatet e vrojtimeve të bëra me Teleskopin Hapësinor Hubble.
Si rezultat i krahasimit të vrojtimeve të kryera nga shkencëtarët në vitet 1998, 2010 dhe 2018, theksohet se janë gjetur gjurmë të avullit të ujit në atmosferën e Ganymede-s.
Nga ana tjetër, tërhiqet vëmendja se në satelitin e largët miliona kilometra nga dielli oqeanet janë të ngrira për shkak të kushteve të motit prej minus 148 gradësh.
Ndërkohë, në të dhënat e vitit 2018 thuhet se nuk është gjendur atom i oksigjenit në Ganymede.
Në orbitën e Jupterit gjenden 79 satelitë. Më i madhi është Ganymede, objekti i 9-të më i madh në Sistemin Diellor.
Ganymede është më i madh se Merkuri, ndërsa është i vetmi satelit në Sistemin Diellor që ka fushën e vet magnetike.
Sateliti Juno i NATO-s i lançuar në vitin 2011 zhvillon aktivitetet eksploruese që nga korriku i vitit 2016 kur ka mbërritur në Jupiter./AA
(Kosova Sot Online)
