Elon Musk dëshiron të “pushtojë qiellin” me 42,000 satelitë Starlink – ja çfarë do të thotë kjo!

Elon Musk ka zënë titujt kryesorë pasi mijëra njerëz në të gjithë botën kanë parë satelitët e Musk – Starlink – të fluturojnë në qiellin e natës.

Me pak fjalë, Starlink është një përpjekje ambicioze për të ndërtuar një rrjet global satelitësh të aftë për të siguruar internet me shpejtësi të lartë për të gjithë, kudo në planet.

Ndryshe, sipas DailyStar, aktualisht, ka më shumë se 1,600 satelitë në orbitën e ulët të Tokës.

Përparësitë e menjëhershme të Starlink janë të qarta: ofrimi i lidhjes me internetin edhe në pjesët më të largëta të botës mund të ndryshojë jetën për 50% të njerëzve që nuk e kanë atë.

Por me shërbimin që pritet të lë fazën e testimit ‘beta’ muajin tjetër dhe SpaceX planifikon të vendosë edhe 40.000 “anije kozmike” në qiell, shkencëtarët dhe astronomët kanë filluar të shqetësohen për pasojat potencialisht shkatërruese që mund të ketë për jetën në Tokë.

Një pjesë e arsyes që Starlink mund të sigurojë shpejtësi kaq të shpejta të internetit është se ‘plejada’ e saj është shumë më afër Tokës sesa satelitët tipikë: ata orbitojnë në një distancë prej rreth 200 deri në 400 milje nga niveli i detit, ndërsa satelitët tipikë orbitojnë nga aq larg sa 2000 milje.

Si rezultat, Starlink ka shkaktuar reagime të mëdha nga astronomët në të gjithë botën, të cilët mbështeten në qiell të qartë dhe të errët për të kërkuar yje të rinj, planetë dhe asteroide të mëdhenj që mund të shkojnë drejt Tokës.

Gjithashtu, një grup astronomësh ndërkombëtarë kanë bërë thirrje për veprime ligjore për të ndaluar fillimin e punës derisa rreziqet të mund të vlerësohen plotësisht.

Një rrezik tjetër i madh është ai i përplasjeve. Nëse satelitët Starlink godasin njëri-tjetrin dhe ndahen, mund të krijojë mijëra copëza mbeturinash hapësinore që notojnë në orbitën e Tokës. 

(Kosova Sot Online)