Lexoni edhe:
Shkurte Fejza feston, bashkëshorti e uron: Urime ditëlindjen dashuria ime e përjetshme
Teleskopi i NASA-s zbulon planetin ku pikat e rërës bien si shi
Planeti i quajtur, Wasp-107b, shtrihet 200 vite dritë larg në yjësinë e Virgjëreshës dhe tashmë kishte tërhequr vëmendjen e astronomëve sepse është shumë i madh, por shumë i lehtë, duke i dhënë pseudonimin “fili i ëmbëlsirave”.
Vëzhgimet më të fundit japin një pamje të paprecedentë të një bote të çuditshme dhe ekzotike përtej sistemit tonë diellor që përmban retë e rërës silikate dhe shiun, temperaturat përvëluese, erërat e furishme dhe aromën e dallueshme të shkrepeve të djegura të dioksidit të squfurit.
“Njohuritë tona për planetët e tjerë bazohen në atë që dimë nga Toka”, tha Prof Leen Decin, nga Instituti Katolik Leuven dhe autori i parë i hulumtimit.
“Kjo është një njohuri shumë e kufizuar”.
Planeti u zbulua në vitin 2017 pasi astronomët vunë re një dridhje periodike të dritës nga ylli i tij pritës sa herë që planeti kalonte para tij.
“Është si një mizë përballë një llambë rruge”, tha Decin.
James Webb i çon këto vëzhgime në nivelin tjetër duke matur dritën e yjeve që filtrohet përmes atmosferës së planetit. Për shkak se elementë të ndryshëm thithin gjatësi vale të ndryshme të dritës, spektri i dritës së yjeve tregon se cilat gazra janë të pranishëm.
Wasp-107b është i ngjashëm në masë me Neptunin, por pothuajse me madhësinë e Jupiterit dhe natyra e tij e madhe dhe e përhapur lejon teleskopin James Webb të shikojë thellë në atmosferën e t
Vëzhgimet e fundit, të publikuara në Nature , zbulojnë prova të avullit të ujit dhe dioksidit të squfurit, të cilat do t’i jepnin atmosferës një erë shkrepsash të djegura.
Është gjithashtu hera e parë që është identifikuar përbërja kimike e reve në një planet tjetër – në këtë rast, rëra silikate.
Atmosfera e planetit do të shfaqte diçka të ngjashme me ciklin e ujit të Tokës, por në vend të kësaj me rërën që lëviz në mes gjendjeve të ngurta dhe të gazta.
Nga nivelet më të nxehta dhe më të ulëta të atmosferës, me temperatura afër 1000 C, avulli silikat do të ngrihej, do të ftohej dhe do të formonte kokrra mikroskopike të rërës, shumë të vogla për t’u parë.
Qëllimi qendror i teleskopit hapësinor James Webb është të analizojë atmosferat e planetëve të largët dhe të kërkojë për gazra biosignature që mund të tregojnë praninë e jetës.
(Kosova Sot Online)
