Lexoni edhe:
Luizi reagon pasi u bë baba: Më keni bërë njeriun më të lumtur në botë!
Del në shitje pallati mbresëlënës i shekullit të 19-të
Për të pasurit në mbarë botën që njohin stilin perandorak, këtu është mundësia nëse duan të kenë një pallat në periferi të kryeqytetit francez.
Në fakt, kjo kështjellë është një pallat me histori shekullore… Fillimisht, prona luksoze i përkiste një anëtari të dinastisë së fuqishme Rothschild dhe më pas mbretit Hassan II të Marokut, siç komenton gazeta amerikane New York Post.
Ndërtesa mbresëlënëse po shitet, me çmimin astronomik prej 452 milionë dollarësh, siç shkruan në faqen e saj kompania e pasurive të paluajtshme “Mansion Global”. Kjo do të thotë se, nëse gjendet një blerës, do të mbajë titullin e një prej pronave më të shtrenjta në botë.
Pasuria është vetëm 40 kilometra nga qendra e kryeqytetit francez.
“Kështjella masive Château d’Armainvilliers ka një pamje mbresëlënëse,” raporton gazeta franceze Le Figaro, duke shtuar: “E ndërtuar në fund të shekullit të 19-të mbi themelet e një kështjelle të shekullit të 12-të, ajo i përkiste perandorisë bankare Rothschild përpara se të blihej nga mbreti Hassan II i Marokut në vitet 1980. Në vitin 2008, nëntë vjet pas vdekjes së mbretit Hassan II të Marokut, djali i tij ia shiti atë një miliarderi të Lindjes së Mesme.
1 / 4
PrevNext
Vihet re se mbreti Hassan II ishte një “njeri i paqes”, i cili kontribuoi në mënyrë të vendosur në procesin e paqes në Lindjen e Mesme me liderët e huaj që e përshkruan atë si një shtyllë të botës arabe. Ai udhëhoqi popullin e tij me grusht të hekurt për 38 vjet.
Pronari i fundit i rezidencës mbresëlënëse e bleu atë për 213 milionë dollarë, por nuk e përdori kurrë. Ky është Inias Moivision nga Lindja e Mesme, sipas kompanisë “Whisper Auction”, e cila merret me blerjen dhe shitjen e pronave luksoze.
Shtëpia kryesore e Château d’Armainvilliers ka 100 dhoma, tre ashensorë, 17 suita dhoma gjumi me prekje të ndryshme të dizajnit maroken, si modele tavani dhe ndriçim dekorativ.
Ka 36 ndërtesa të shpërndara në të gjithë pasurinë, si dhe pajisje për pronarët me fat dhe miqtë e tyre, një hamami, sallon parukerie, 50 stalla kuajsh, vila për stafin e kështjellës dhe një parkim makinash
(Kosova Sot Online)
