Lexoni edhe:
Vildanes iu duket vetja 'xhevahir'
NASA publikon foto të 'lindjes së Hënës'
NASA rregullisht kap imazhe mahnitëse të universit tonë, duke i lënë të magjepsur adhuruesit e hapësirës. Rrjetet sociale të Agjencisë Hapësinore të SHBA-së janë një “thesar” për ata që duan të shikojnë video edukative dhe imazhe magjepsëse që tregojnë Tokën dhe hapësirën.
Në postimin e fundit, agjencia ndau një foto të “lindjes së Hënës” nga një “pikë unike e favorshme” brenda Stacionit Ndërkombëtar të Hapësirës. Bëhet e ditur se fotoja është shkrepur nga astronauti i NASA-s, Matthew Dominick, i cili ka jetuar në Stacionin Ndërkombëtar Hapësinor për rreth katër muaj.
Në pamjet e publikuara, shihet gjysmëhëna e cila shtrihet mbi atmosferën e Tokës.
“Shtresat e portokallisë dhe të zezës shfaqen nën brezin horizontal të së kaltrës që shtrihet në qendër të imazhit. Gjysmëhëna është e bardhë dhe bie në sy kundër errësirës së hapësirës”, tha agjencia amerikane në përshkrimin e imazhit. Ndërsa përshkruante skenën, astronauti tha: “Një copëz hëne ngrihet nga retë e ndezura dhe duket se shikon drejt horizontit duke pritur lindjen e afërt të Diellit”.
Sakaq, edhe në shkurt NASA ndau një foto të Hënës dhe Tokës në një kornizë të vetme nga Stacioni Ndërkombëtar i Hapësirës.
“Hëna jonë është në fazën e saj të gjysmëhënës, ku shumica e dritës së Diellit po ndriçon anën e saj të largët – anën që nuk mund ta shohim drejtpërdrejt nga Toka. Gjysmëhëna është faza e fundit përpara se cikli hënor të përsëritet me një hënë të re”, shkroi NASA teksa shpërndau imazhin.
(Kosova Sot Online)
