7 ushqime të njohura që dëmtojnë veshkat tuaja

Veshkat luajnë një rol shumë të rëndësishëm në trupin tuaj. Ato janë përgjegjëse për largimin e mbeturinave përmes urinës, prodhimin e hormoneve dhe filtrimin e toksinave dhe lëngjeve shtesë në gjakun tuaj. Kjo është arsyeja pse ju duhet të kujdeseni mirë për veshkat tuaja dhe të përpiqeni t’i mbani ato të shëndetshme. Por, disa ushqime që ju nuk i dini, i dëmtojnë ato. Cilat janë këto ushqime? Zbulojini duke lexuar më poshtë!

1. Avokadot

Megjithëse avokadot janë të njohura dhe vlerësohen për cilësitë e tyre të ndryshme ushqyese, ngrënia e shumë prej tyre mund të jetë e rrezikshme për veshkat tuaja, veçanërisht nëse tashmë keni probleme me veshkat. Dhe arsyeja është se ky frut ka një nivele shumë të larta të kaliumit.

Lexoni edhe:

8 ushqimet që përmirësojnë funksionet e trurit

2. Mishi

Ngrënia e tepërt e mishit mund të shkaktojë probleme në veshka, sepse proteinat shtazore mund të metabolizohen shumë, duke e bërë eleminimin e produkteve të mbetjeve një barrë për veshkat. Një dietë e pasur me proteina shtazore mund të çojë gjithashtu në zhvillimin e gurëve në veshka. Mishi stimulon prodhimin e acidit urik, i cili është një nga shkaqet e zakonshme të gurëve në veshka. Në vend të kësaj mund të hani më shumë perime dhe arra, duke marrë kështu proteinat për të cilat trupi juaj ka nevojë, sugjeron abcnews.al.

3. Kripa

Një dietë e shëndetshme duhet të përfshijë një maksimum prej 2300 mg natriumi në ditë (rreth një lugë çaji kripë). Nëse hani shumë kripë, veshkat duhet të punojnë më shumë në mënyrë që të eliminojnë tepricën e natriumit, kështu që ata mund të fillojnë të mbajnë ujin që mund të çojë në presion të lartë të gjakut. Për të mbajtur veshkat tuaja të shëndetshme, ju mund të shtoni erëza në ushqimet tuaja në vend që të abuzoni me kripën.

4. Bananet

Nëse dyshoni se keni probleme me veshkat, ushqimi i mirë dhe një dietë e duhur janë thelbësore për të qëndruar të shëndetshëm. Dhe kjo do të thotë të kufizoni konsumin e disa ushqimeve të tilla si bananet, sepse ato kanë një nivel shumë të lartë të kaliumit, informon abcnews.al.

5. Bulmeti

Megjithëse produktet e qumështit janë të pasura me vitamina dhe lëndë ushqyese, shumë qumësht, kos dhe djathë mund të shkaktojnë më shumë dëm sesa dobi. Dhe kjo mund të ndodhë për shkak të sasisë së lartë të fosforit që përmbahet në këto ushqime që mund të stresojnë veshkat tuaja. Për më tepër, nëse veshkat tuaja nuk janë plotësisht funksionale, ato nuk do të jenë në gjendje të heqin fosforin shtesë nga gjaku juaj dhe kjo mund të çojë në kocka të dobëta me kalimin e kohës dhe një rrezik në rritje të frakturave.

6. Buka e grurit

Buka e grurit është e shëndetshme dhe ushqyese, por kur hahet në sasi të mëdha, veçanërisht nga individë me probleme renale, mund të shkaktojë dëm serioz në veshka. Kjo është për shkak të sasive të larta të fosforit dhe kaliumit që përmbahen në këtë lloj buke, informon abcnews.al.

7. Portokalli dhe lëngu i portokallit

Ndërsa portokallet dhe lëngu i portokallit janë me pak kalori dhe të pasura me vitaminë C, ato përmbajnë gjithashtu nivele të larta të kaliumit. Një portokall mesatar siguron 240 mg kalium dhe një filxhan lëng portokalli mund të përmbajë rreth 470 mg.

Duke pasur parasysh këto numra, konsumi i portokallit dhe lëngut të portokallit duhet të jetë i kufizuar, veçanërisht kur nuk keni veshka plotësisht funksionale. Nëse ata nuk mund të eliminojnë kaliumin e tepërt nga gjaku, kjo mund të jetë shumë e rrezikshme për trupin tuaj./e.b-abcnews.al

(Kosova Sot Online)