Lexoni edhe:
E dinit? Konsumi i akullores para gjumit ndikon negativisht në cilësinë e tij
Shëtitja në mal e forcon imunitetin
Shëtitja në mal, përpos që të kënaqë duke të ofruar qetësi fizike dhe shpirtërore, është parë se e forcon edhe imunitetin e organizmit. Shkencëtarët kanë testuar njerëzit para dhe pas shëtitjes në mal, ku te të gjithë ata, me përjashtim të njërit, pas shëtitjes kanë gjetur më shumë qeliza T të sistemit imunitar. Përpos kësaj, pas shëtitjes njerëzit kishin shtypje më të ultë të gjakut, ndiheshin më të qetë dhe kishin një mendje më të kthjellët.
Drurët e malit dhe bimët e tjera emitojnë në ambientin rrethues përbërës antimikrobikë organikë, të cilat quhen fitoncide, e janë efikase kundër kërpudhave dhe baktereve. Dihet se kërpudhat dhe bakteret mund ta dëmtojnë sistemin imunitar. Në mal ka drurë që mund të jenë të vjetër me qindra vjet, gjatë së cilës kohë e kanë përsosur mbrojtjen nga bakteret dhe viruset. Pra, duke shëtitur në mal, ne lahemi në imunitetin natyror të tij.
(Kosova Sot Online)
