Lexoni edhe:
Çaji i cili parandalon sulmin në zemër dhe parandalon zhvillimin e kancerit
Këto janë vetitë shëruese të pjeprit
Pjepri është një frut i pasur me ujë, vitamina dhe minerale. Përmbajtja e lartë e ujit dhe e kaliumit nxit punën e veshkave, ndihmon dedoksimin e organizmit.
Për shkak të vitaminave A dhe C, pjepri vepron si antoksidues, fibrat ushqyese që ka pjepri lehtësojnë tretjen. Për shkak të vlerave të ulëta kalorike është i shkëlqyer për secilin që dëshiron që gjatë verës të mbajë dietë. Këshillohet që pjeprin ta ruani në temperatura mesatare në frigorifer.
Çdo 100 gramë pjepër përmban 7,4 gramë karbohidrate, 0,2 gramë yndyrna, 0,8 gramë proteina, 0,7 gramë fibra. 90 % e pjeprit është ujë dhe kjo bën të mundur hidratimin e organizmit.
Madje ju mund të përdorni farat e pjeprit edhe për rigjenerimin e veshkave.
Përgatitja:
1 kg fara pjepri dhe 5 litra ujë.
Farat e pjeprit hidhen në një tenxhere të madhe, shtohet uji dhe lihen që të zjejnë derisa lëngu të arrijë në 3 litra, ose pak më shumë se gjysma e sasisë së ujit të hedhur në fillim.
Pasi lëngu është gati hiqet nga zjarri dhe lihet e mbuluar derisa të ftohet, më pas kullohet dhe hidhet në shishe qelqi. Lëngu pihet nga një filxhan tre herë në ditë për 1 deri në 3 muaj rresht.
Farat e pjepërit konsiderohen të pasura me antioksidantë që pastrojnë organizmin nga radikalet e lira. Përmbajtja e lartë e proteinës tek farat i bën ato të rekomandueshme për flokë dhe thonj të shëndetshëm.
Burim Vitaminash Dhe Mineralesh
Farat e pjeprit përmbajnë sasi të konsiderueshme të vitaminës A dhe E. Këto vitamina që treten në yndyrë shërbejnë si antioksidantë dhe mbrojnë sytë e parandalojnë kancerin.
Shëndeti i Sistemit Tretës
Farat e pjeprit ndihmojnë në largimin e parazitëve nga zorrët. Me përmbajtjen e lartë të fibrës, këto fara besohet të përmirësojnë tretjen e ushqimeve.
Farat E Pjeprit Për Zemrën
Farat e pjeprit përmbajnë sasi të konsiderueshme të acideve yndyrore omega-3 të cilat janë të dobishme për shëndetin e zemrës. Studimet kanë konfirmuar se antioksidantët dhe acidet yndyrore tek farat e pjeprit e mbrojnë zemrën nga stresi oksidues dhe çrregullime të tjera. Mineralet ndihmojnë në uljen e tensionit të gjakut.
(Kosova Sot Online)
