Lexoni edhe:
Studimi i fundit tregon se kafja ul rrezikun e infarkteve në zemër
Gjethet e dafinës: Kura natyrale kundër gripit dhe problemeve me lukthin
Në ditët e ftohta të dimrit, të gjithë përballen me gripin dhe ftohjen, prandaj kurat natyrale janë të rëndësishme t’i përdorni.
Shqiptarët gjithmonë kanë preferuar kurat natyrale para atyre farmaceutike, dhe sigurisht edhe pse në disa raste antibiotikët apo diçka tjetër janë e pashmangshme, në disa raste të tjera kurat natyrale janë më se mjaftueshëm.
Një prej produkteve natyrale që janë plot me dobi për shëndetin janë gjethet e dafinës.
Gjethet e dafinës janë të pasura me përbërës bimorë, vitamina dhe minerale plot vlera. Më poshtë do të lexoni vlerat e pasura të gjetheve të thata të dafinës.
Zgjidhje për refluksin ose urthin:
Gjethet e dafinës ndihmojnë tretjen dhe shmangin çrregullimet në këtë sistem. Nëse pini çaj dafine mund të luftoni aciditetin e lartë në stomak dhe të zgjidhni problemin e lëvizjeve të çrregullta të zorrëve.
Gjethet e dafinës përmbajnë enzima që mundësojnë shpërbërjen e proteinave dhe rrjedhimisht ato janë një zgjedhje e shkëlqyer. Merrni 5 gramë me gjethe dafine, shtoni një centimetër xhenxhefil dhe ziejini së bashku në 300 ml ujë deri sa të mbetet ¼ e ujit. Shtoni mjaltë dhe pijeni lëngun dy herë në ditë derisa të rregulloni organizmin.
Infeksionet dhe të ftohurat:
Gjethet e dafinës janë efikase kundër infeksioneve dhe simptomave të të ftohtit dhe gripit. Në rastet kur vuani nga probleme me frymëmarrjen, zieni 2-3 gjethe dafine në ujë. Lëreni të ftohet për 10 minuta. Zhysni një napë në lëng dhe më pas vendoseni në kraharor për ta çliruar nga bllokimet e shkaktuara nga i ftohti, kolla dhe virozat.
Çaji i gjetheve të dafinës është efikas kundër temperaturës. Nëse vuani nga tështimat e përsëritura, zieni disa gjethe dafine në 200 ml ujë deri sa të mbetet ¼ e tij. Kullojeni dhe pijeni lëngun.
(Kosova Sot Online)
