Lexoni edhe:
Ky frut e mban zemrën e shëndoshë
Sa e dëmshme mund të jetë vetëm 1 lugë çaji sheqer në filxhanin e përditshëm që konsumoni?
Për shumë njerëz, një filxhan i nxehtë me ndonjë pije është përgjigjja për shumë sëmundje dhe gjithashtu një mënyrë për të mposhtur të ftohtin. Por ndërsa çaji mund ta ndihmojë njeriun të ndihet më mirë, shtimi i sheqerit në të mund të mos jetë praktika më e mirë.
Sheqeri nuk përmban përfitime ushqyese dhe shpesh çon në shtim në peshë, presion të lartë të gjakut dhe sheqer të lartë në gjak. Dietologia Pooja Makhija tha se ai është gjithashtu një nga përbërësit më ‘të poshtër’ që shtohet në ushqime, sepse nuk renditet si ‘sheqer i rafinuar’.
“Një lugë çaji sheqer dy herë në ditë, 365 ditë, është katër kilogramë peshë e shtuar në një vit. Në 10 vjet, do të ishin 40 kilogramë, vetëm sepse nuk doja të hiqja dorë nga kjo lugë sheqer në filxhanin tim të përditshëm me kafeinë. Ky quhet ndryshim i vogël, humbje e madhe,” tha ajo.
Ajo e përshkroi sheqerin si “një nga mënyrat më të frikshme dhe krejtësisht të pashëndetshme për shtimin e kalorive”, shkruan Indianexpress.
Më tej, ekspertja renditi emrat e ndryshëm të sheqerit që përdoren zakonisht në ushqimet e paketuara.
“Dekstrozë, Fruktoza, Galaktoza, Glukoza, Laktoza, Maltoza, Saharoza, Sheqeri i panxharit, Sheqer kaf, Kristalet e lëngut të kallamit, Kallam sheqeri, sheqer pluhur, Sheqeri i kokosit, Sheqer ëmbëlsirash, Sheqer hurme, Karamel, Lëng frutash, Koncentrat i lëngut të frutave.”
(Kosova Sot Online)
