Lexoni edhe:
Si të flesh 8 orë në 3 orë dhe të ndihesh akoma produktiv?
Konsumoni vaj ulliri dhe evitoni një sërë sëmundjesh
Fama e tij është e njohur ndër shekuj. Hulumtimet moderne konfirmojnë se vaji i ullirit është një përbërës që duhet shtuar në dietën e përditshme. Një studim i fundit pohon se më shumë se gjysmë luge vaj ulliri në ditë mbron trupin nga sëmundjet kardiovaskulare, Alzheimeri por edhe vdekja e parakohshme.
Ndër vajrat vegjetale të ngrënshme, ai ka përqindjen më të lartë të yndyrave të pangopura, të cilat reduktojnë kolesterolin “e keq” LDL dhe rrisin HDL “të mirë”. Për më tepër, ul presionin e gjakut dhe përmban komponime bimore që ofrojnë veti anti-inflamatore dhe antioksiduese.
Llojet e ndryshme të vajit të ullirit janë të disponueshme në treg, nga i zakonshëm në ekstra të virgjër. Vaji ekstra i virgjër i ullirit i është nënshtruar një procesi të thjeshtë bluarjeje, pa asnjë trajtim që ndryshon cilësinë e tij. Në të kundërt, vaji i zakonshëm i ullirit ka pësuar një sërë procesesh dhe më pas përzihet me 5-15% ekstra të virgjër. Vaji i ullirit mund të merret i papërpunuar, në sallata dhe perime.
Është një zëvendësues më i shëndetshëm i gjalpit në gatim. Natyrisht, kërkohet një model më i përgjithshëm i zakoneve të shëndetshme për të siguruar një shëndet më të mirë. Një sasi e moderuar e yndyrës vegjetale, e kombinuar me zakone të tjera të mira, janë qëllime të rëndësishme për çdo model të shëndetshëm të të ushqyerit.
(Kosova Sot Online)
