Lexoni edhe:
Lulelakra mbron nga kanceri dhe sëmundjet e zemrës
Shalqiri dhe pjepri, mbrojtësit e ëmbël të shëndetit
Shalqiri është burimi më i mirë për freskim dhe shuarjen e etjes e ditëve të verës. Falë vlerave të ulëta kalorike është ideale edhe për linjat tuaja, kështu që pa frikë dhe ngurrim nga kilogramët përcaktohuni për këtë pemë të lëngshme, përkatësisht perime. Falë përmbajtjes së lartë me ujë, rreth 92 për qind, shalqiri është aleat i shkëlqyeshëm për ata që mbajnë dietë. Shumica nuk e dinë se shalqiri është burim edhe për vitamina e minerale. Është e pasur me vitamina C, A, dhe me vitaminat B1 e B6. Përmban kalium, që është një nga përbërësit më të rëndësishëm te secila pemë dhe perime, që e konsumojmë verës. Nga minerale tjera, shalqiri përmban edhe magnez.
LIKOPENI NGA SHALQIRI ËSHTË ANTIOKSIDUESI MË I FORTË
Shalqiri përmban likopen, për të cilin studimet kanë dëshmuar se është antioksiduesi më i fortë, i cili ul rrezikun nga shfaqja e kancerit në prostatë. Likopen më së shumti ka në domate që ia jep ngjyrën e kuqe tipike, më pas e hasim edhe në shalqi dhe grejpfrut. Shalqiri është e dobishme edhe në parandalimin e disa sëmundjeve siç janë astma, diabeti, arteroskleroza, e zbut edhe gjendjet inflamatore.
PEMA QË NË FAKT ËSHTË PERIME
Shalqiri ka ardhur nga Afrika, e të gjithë e kanë konsideruar si pemë, së pari shkaku i shijes së tij të ëmbël dhe me aromë. Por, sikur dhe mikja e tij - pjepri, është perime. I takon të njëjtës familje në të cilën janë trangujt dhe kungulleshkat. Shalqirin duhet ruajtur të mbështjellë me folie, për të ruajtur freskinë.
PJEPRI, IDEAL PASI PËRMBAN PAK KALORI
Sikurse dhe shalqiri, pjepri përmban vlerë të ulët kalorike (në 100 g përmban vetë 30 kalori). Është e përshtatshme për dietë, po ashtu ushqim I shëndetshëm, sepse ofron ndjenjën e ngopjes, e pasi përmban pak kalori nuk i dëmton linjat. Është e hatashme për freskim në muajt e verës. Sidomos është e pasur me vitamina C, disa lloje të vitaminave A, që ndikojnë si antioksidues të fortë kundër sëmundjeve kardiovaskulare dhe plakjes. Është e pasur me minerale, më së shumti kalium, fosfor, kalcium. Ndihmon te inflamacionet e lukthit, lehtëson problemet me tretjen, zbut dhimbjet, ndihmon në hedhjen jashtë të substancave të dëmshme dhe helmuese nga organizmi.
SHALQIRI DHE PJEPRI NË RECETA
Pjeprin e freskët, të lëngshëm, të prerë në pjesë, mund ta shtoni në të gjitha sallatat me pemë. Shkon mirë me akullore apo në ndonjë koktej veror. Shpesh përdoret si shtesë në gjellët me mish. Shumë e pëlqejnë në sallatat me mish pule, fruta mali apo me proshutë. Shalqiri mundëson imagjinatën e secilës përgatitje. Me akullore, sallatë me pemë.
(Kosova Sot Online)
