Një pije e gazuar në ditë e rrit rrezikun për zemrën

Shkencëtarët kanë zbuluar një lidhje alarmuese mes konsumimit të tepër të sheqerit, që gjendet në pije të gazuara ose ushqim të përpunuar dhe vdekjeve të lidhura me zemrën. Ata kanë zbuluar që madje një pije e gazuar në ditë ka qenë e mjaftueshme për t'i rritur gjasat për vdekje nga sëmundjet kardiovaskulare, gati për një të tretën. Personat, që e konsumojnë një të katërtën e kalorive të tyre ditore nga sheqeri, janë për dy herë më të rrezikuar nga vdekja e lidhur me probleme të zemrës.

Sheqeri i shtuar është ai që aplikohet gjatë përpunimit të produkteve ushqimore, në vend se të merret nga burimet natyrale, siç janë pemët. Udhëzimet dietale nga Organizata Botërore e Shëndetësisë rekomandojnë që sheqeri i shtuar duhet të përbëjë më pak se 10 për qind të konsumimit të kalorive. Profesori britanik Graham MacGregor, kryetar i organizatës 'Action On Sugar' tha: "Ky është një studim i rëndësishëm. Tregon qartë se konsumimi i tepërt i sheqerit lidhet me rrezikun e rritur nga sulmi në zemër dhe në tru, duke theksuar nevojën për më shumë përqendrim për reduktim të mbipeshës dhe rrezikut kardiovaskular".

(Kosova Sot Online)