Superliga e Kosovës fillon në fundjavë

Kampionati elitar në futbollin kosovar pritet të startojë në fundjavë më 19 dhe 20 shtator.

Pas kërkesës së Federatës së Futbollit të Kosovës në Ministrinë e Shëndetësisë për të nisur edicionin e ri futbollistik, tashmë është marrë vendimi për të nisur në vikend me ndeshjet e xhiros së parë.

Gazeta merr vesh gjithashtu që kampionet tjera, duke nisur nga Liga e Parë, deri te moshat e reja do të shtyhen për të paktën edhe një javë.

Gjithsesi vendimi zyrtar nga Federata e Futbollit të Kosovës do të vijon më vonë, teksa klubet elitare tashmë kanë marrë konfirmimet për ndeshjet e fundjavës.

Xhiroja e I-rë:

Drita – Llapi

Trepça ’89 – Arbëria

Prishtina – Drenica

Besa – Ballkani

Feronikeli – Gjilani

Për datat dhe orën e takimeve do të njoftoheni më vonë.

(Kosova Sot Online)