Lexoni edhe:
Zbulohen të gjitha detajet nga marrëveshja e Juves me Atleticon për Moratan
Vdes ish-presidenti i Gjilanit Shukri Sylejmani
Ka vdekur ish-presidenti dhe donatori shumëvjeçar i klubit të futbollit Gjilani, Shukri Sylejmani.
Lajmin për vdekjen e tij e ka bërë të ditur Gjilani në rrjetet sociale, duke i shprehur ngushëllime familjes së tij.
“Me dhimbje të thellë morëm lajmin se në mëngjesin e sotëm ka ndërruar jetë ish presidenti i klubit tonë, Shukri Sylejmani”, thuhet në një njoftim të Gjilanit.
Sylejmani kishte dhënë kontribut të madh për klubin e Gjilanit që prej themelimit të tij më 1995 deri
Ai u shpall “Qytetar Nderi i Gjilanit” nga Kuvendi Komunal në vitin 2019, me motivacionin për kontribut të jashtëzakonshëm në themelimin dhe donacionin për SC Gjilani, duke e formuar në kohën më të vështirë të vendit.
“Ish presidenti i klubit tonë, tashmë i ndjeri, Shukri Sylejmani, do të mbahet gjatë në mend për të gjitha sakrificat e bëra për klubin e Gjilanit dhe futbollit e sportit vendor në përgjithësi me kontributin e tij, ku në vitet e vështira të pasluftës, ai, dha gjithçka për skuadrën e Gjilanit dhe futbollit tonë”.
“Presidenti, bordi drejtues dhe e gjithë skuadra e Gjilanit shpreh ngushëllimet më të sinqerta familjes Sylejmani dhe bashkëndiejmë dhimbjen me ta për humbjen e më të dashurit të tyre”.
(Kosova Sot Online )
