Lexoni edhe:
Hetimi i procesit të privatizimit nga deputetët, një lojë mashtruese e iniciuar nga PDK-ja për konsum politik
Jurgen Klopp e pranon se gaboi me largimin e Xherdan Shaqirit
Xherdan Shaqiri, pas disa muajsh nën hije, është rikthyer të jetë në qendër të vëmendjes.
Sulmuesi shqiptar shënoi mbrëmë një gol shumë të bukur në Carabao Cup në fitoren 7-2 të Liverpoolit kundër Lincoln City.
Ai u zëvendësua në minutën e 75-të, Kloppi vendosi ta inkuadrojë në lojë Naby Keita, por e pranoi se gaboi, është dashur ta lërë të luajë gjithë ndeshjen.
“Ai [Shaqiri] bëri një super ndeshje”, tha Klopp.
“Një paraqitje të mirë në një pozicion jo mjaft të panjohur, por pak më thellë në mesfushë – ai bëri vërtet, me të vërtetë mirë”.
“Ishte faji im [ai u zëvendësua] – kisha frikë se ai e shtrembëroi kyçin e këmbës pak, por ai ishte plotësisht mirë, nuk ishte absolutisht asgjë – ai thjesht e preku atë dy herë, por unë mendova se ishte mirë atëherë ta largoja”.
“Por ai luajti një lojë vërtet, vërtet të mirë. E kreu punën për mrekulli, veçanërisht goditja e lirë që shënoi, çfarë goli ishte!”.
“Nuk ka dyshime për cilësinë e Shaqit – nuk ka pasur kurrë”, shtoi ai.
“Për momentin gjithçka duket me të vërtetë mirë dhe duket me të vërtetë premtuese, kështu që ne do të shohim”.
(Kosova Sot Online )
