Lexoni edhe:
Kosova akoma larg ndërtimit të shtetit të së drejtës, qytetarët pa perspektivë largohen nga vendi si pasojë e krimit të organizuar
Fury e anulon meçin e 5 dhjetorit: Kthehem më 2021 për lavdi
Boksieri britanik Tyson Fury e ka anuluar meçin e caktuar për datën 5 dhjetor në Londër, duke thënë se nuk do të rikthehet në ring deri vitin e ardhshëm.
Kampioni i botës në kategorinë e rëndë në WBC, i cili nuk është futur në ring për të luftuar që prej se e mposhti Deontay Wilderin në shkurt, pritej ta konfirmonte meçin kundër gjermanit Agit Kabayel.
Megjithatë, të dielën në mbrëmje, Fury tha se nuk do të rikthehet në ring deri më 2021.
“Gjipsi King rikthehet në vitin 2021. Vetëm ata që më kanë përkrahur 100% që prej rikthimit tim do të jenë me mua për ta arritur lavdinë”, tha Fury në Twitter.
Javën e kaluar, Wilder i bëri thirrje Furyt ta nderojë marrëveshjen për meçin e tretë me të.
Por Fury ka thënë se Wilderi nuk do të ketë kurrë më mundësi të luftojë kundër tij, pasi amerikani e akuzoi atë se i kishte forcuar dorëzat para meçit të shkurtit.
Fury e pat mposhtur Wilderin për t’u bërë kampion i botës në kategorinë e rëndë në WBC, 14 muaj pasi meçi i parë mes tyre kishte përfunduar me barazim.
(Kosova Sot Online )
