Laporta i bën një premtim të madhe Leo Messit

Po, ka shpresa që Lionel Messi të vazhdojë ta veshë fanellën e Barcelonës dhe pse jo, të pensionohet në ‘Camp Nou’.

Këto shpresa, sipas shumë analistëve, janë nëse Joan Laporta zgjidhet sërish president i Barcelonës.

Laporta është personi që e vlerëson më së shumti Messin, prej gjithë kandidatëve për president, pasi ishte në krye të klubit në epokën e artë të Barcelonës dhe pa Leon si president duke mahnitur botën.

Lexoni edhe:

Klopp i dëshpëruar, Liverpooli nuk fiton që 7 ndeshje në ‘Anfield’

Tani, gazetari Pipi Estrada, në ‘El Chiringuito de Jugones’, ka zbuluar nga burime të sigurta se pas përmbysjes së madhe ndaj Sevillës, Laporte i ka premtuar Messit që do të bëjë gjithçka për të ndërtuar një skuadër të fortë dhe se sjellja e parë gjatë verës 2021 do të jetë Erling Haaland.

Ai gjithashtu ka folur edhe me Samuel Eto’o, i cili ka marrëdhënie shumë shumë të mirë me Mino Raiolën, agjentin e sulmuesit të Borussia Dortmundit dhe shpreson ta ndihmojë për ta sjellë në ‘Camp Nou’.

(Kosova Sot Online )