Lexoni edhe:
BE-ja e demanton dokumentin që doli pas darkës së liderëve të Ballkanit: Falsifikim i plotë
Mici do të luajë për Kosovën me pasaportë të Shqipërisë, s’ka pasaportë kosovare
Për herë të parë një futbollist i Shqipërisë është ftuar për të luajtur për Kosovën. Bëhet fjalë për Gledi Micin, i cili ka marrë ftesë për dy ndeshjet miqësore që Kosova i luan në Antalia të Turqisë, ndaj Guineas dhe Gambisë.
Mici aktualisht luan për Prishtinën tash e një vit, ndërsa paraprakisht kishte luajtur për Shkëndijën.
Por, ai nuk ka pasaportë të Kosovës. I kontaktuar nga Express, drejtori i Prishtinës, Fisnik Kërçeli tha se Mici ka vetëm pasaportë të Shqipërisë dhe pasaportë amerikane.
“Jam i sigurt që Mici e ka vetëm pasaportën e Shqipërisë dhe të Amerikës”, tha Kërçeli.
Në anën tjetër, drejtori sportiv i Kombëtares së Kosovës, Muharrem Sahiti tha se nuk nevojitet pasaporta e shtetit për të luajtur në ndeshje miqësore.
“Për ndeshje miqësore nuk nevojitet pasaportë. Pasaporta nevojitet vetëm për ndeshje zyrtare”, tha Sahiti .
Përveç Micit, Kosova ftoi edhe tre futbollistë të Prishtinës, pesë të Ballkanit dhe një të Trepçës’89.
(Kosova Sot Online )
