Real Madridi në kërkim të një shtëpie për Jovic, Mariano refuzon të largohet

Vazhdon të këtë optimizëm në Real Madrid për një marrëveshje te Paris Saint-Germain dhe Kylian Mbappe që mund të përfundojë më 31 gusht, por para kësaj Los Blancos do të duhet t’i ndajë rrugët me dy sulmuesit që nuk janë në planet e Carlo Ancelottit – Luka Jovic dhe Mariano Diaz.

Megjithatë, nuk do të jetë e lehtë sa shihet në shikim të parë. Mariono edhe njëherë ka refuzuar t’i marrë në konsideratë ofertat nga ekipet e tjera, njëjtë si në dy verat e fundit, pavarësisht faktit që ai ka pasur në total 29 paraqitje në dy sezona, shumica e të cilave kanë ardhur nga banka.

Si e tillë, për shkak se ka vështirësi për largimin e Mariano, një përpjekje tjetër është bërë që të ndahen rrugët me Jovic. Serbi dëshiron ta bind Ancelottin që ai e meriton edhe një tjetër mundësi në Real Madrid, por ai është i hapur për të provuar edhe përvoja të tjera, e cila gjë është pa edhe me faktin që ai u huazua të ish klubi i tij, Eintracht Frankfurt në janarin e kaluar.

Real Madridi mbetet optimist që ndonjë klubi do të vije për Jovicin – i cili kërkohet më shumë si huazim – por kjo mund të vije më vonë gjatë afatit. AC Milan janë duke e monitoruar 23 vjeçarin, por transferimi i Olivier Giroud nga Chelsea ka bërë që interesi i tyre të bie.

Los Blancos do të shikojë në javët në vazhdim për të gjetur një shtëpi të re për Jovic, i cili kushtoi klubit 63 milionë euro dy sezone me parë. 

(Kosova Sot Online)