Lexoni edhe:
Asamblistët e Komunës së Prishtinës nokautojnë Shpend Ahmetin, refuzuan skenarin e kontrabandimit të PZHK në shërbim të mafies së “nëntokës kriminale” të ndërtimit!
Cristiano Ronaldo bëhet golashënuesi më i mirë në historinë e futbollit ndërkombëtar
Cristiano Ronaldo e ka thyer rekordin për më së shumti gola në futbollin ndërkombëtar, pasi i shënoi dy gola në fitoren e Portugalisë 2:1 kundër Republikës së Irlandës në një ndeshje kualifikuese për Kupën e Botës.
Tani Ronaldo është golashënuesi më i mirë në historinë e kombëtareve me 111 gola.
Sulmuesi 36-vjeçar i shënoi dy gola të vonshëm me kokë dhe e humbi një penallti në fitoren dramatike të Portugalisë kundër Irlandës Veriore të mërkurën.
Ali Daei, i cili i shënoi 109 gola për Iranin nga viti 1993 deri më 2006, e mbajti rekordin të cilin Ronaldo e kishte barazuar me dy golat e tij kundër Francës në Euro 2020.
Sulmuesi i Manchester Unitedin e barazoi edhe rekordin evropian të Sergio Ramosit për më së shumti paraqitje për kombëtaren, pasi e regjistroi paraqitjen e 180-të.
“Jam shumë i lumtur, jo vetëm sepse e theva rekordin, por për çastin e veçantë që e përjetuam”, tha Ronaldo pas ndeshjes.
“Dy gola në fund të ndeshjes. Duhet ta çmoj atë që e bëri ekipi, ne besuam deri në fund. Jam shumë i lumtur”, shtoi ai.
(Kosova Sot Online )
