Ky është formacioni i mundshëm i Kosovës ndaj Gjeorgjisë: Bernard Challandes pritet të bëjë shumë ndryshime

02 September 2021 - 10:27

Kosova do të jetë mysafir i Gjeorgjisë për takimin që zhvillohet në kuadër të kualifikimeve të Kupës së Botës që mbahet në Katar në fund të vitit të ardhshëm.

Ndeshja që fillon në ora 18:00, do të luhet në “Batumi Stadium”, me Dardanët që shihen si favoritë në letër.

Për këtë sfidë, Bernard Challandes do të ketë mungesa si ajo e Arbër Zenelit dhe Edon Zhegrovës që janë të lënduar, derisa Milot Rashica nuk është lejuar të udhëtojë nga Norwichi, pasi Gjeorgjia është në listën e zezë të Britanisë së Madhe në masat anti-COVID.

Lexoni edhe:

Mendyt i refuzohen kërkesa për lirim me kusht, mbetet në paraburgim

Po jua sjellim më poshtë formacionin e mundshëm se si tanët mund të luajë ndaj gjeorgjianëve:

Në portë, për Kosovën pritet të startojë kapiteni Samir Ujkani, shkaku që Aro Muric ka disa shqetësime, të cilat u shfaqën gjatë seancave stërvitore.

Ndryshme në skemën e Challandes do të ndihen edhe në fazat e tjera të fushës, pasi në mbrojtje do të jenë po ashtu disa ndryshime.

Katërshja në fazën defanzive përbëhet nga, Mërgim Vojvoda e Florent Hadërgjonaj që luajnë në krah, e në qendër prite të vendosen Amir Rrahmani dhe Fidan Aliti.

Një avancim befasuese mund të jetë për Ibrahim Dresevic, që do të jetë në mesfushë, në partneritet me Besar Halimin.

Para tyre, do të jenë të vendosur treshja, Lirim Kastrati, Valon Berisha dhe lojtari më në formë aktualisht i Kosovës, Elbasan Rashani.