Shqipëria kërkon pikë në Poloni sonte

Kuqezinjtë janë në kërkim të fitores së tretë në Grupin I të kualifikimeve për Botërorin 2022

Kombëtarja shqiptare do të vizitojë sonte Poloninë, në ndeshjen e vlefshme për Grupin I të Botërorit 2022.

Kuqezinjtë aktualisht gjenden në vendin e tretë me 6 pikë pas tri ndeshjesh të zhvilluara.

E trupa e Edy Rejas ka shkuar në Poloni për të marrë pikë.

“Shqiponjat” janë të motivuara mjaftueshëm për ta tentuar fitoren ndaj polakëve.

Lewandowski me shokë gjenden në vendin e katërt me 4 pikë dhe e duan fitoren e dytë në këto eliminatore.

Kjo ndeshje do të zhvillohet në stadiumin “PGE Narodowy” të Varshavës duke filluar nga ora 20:45.

Më pas, Shqipëria do t’i zhvillojë dy ndeshje në shtëpi: më 5 shtator e pret Hungarinë e më 8 San Marinon.

Shqipëria do ta kërkojë kualifikimin historik në Botërorin e Katarit. 

1 / 1

(Kosova Sot Online)