Lexoni edhe:
Befason Meliza Haradinaj, tregon se për cilën parti s’ka votuar
Mourinho thotë se ka lidhje emocionale me Newcastle, klubin më të pasur në botë tani
Jose Mourinho ka thënë se e ka një lidhje, siç e ka quajtur ai, emocionale, me Newcastle Unitedin, pas lajmeve se klubi i sapoblerë nga sheikët arabë dëshiron ta emërojë atë në postin e trajnerit.
Javët e fundit kanë qenë shumë të hareshme në St James’ Park, pasi Newcastle u ble për 300 milionë funte nga Fondi Publik për Investime i Arabisë Saudite, zyrtarët e të cilit thanë se synimet e tyre janë lufta për titull në Premierligë në të ardhmen e afërt.
Trajneri Steve Bruce nuk e ka më vendin e sigurt, sidomos tani që projekti i madh ka filluar, dhe Mourinho është përmendur si një zëvendësues i mundshëm i tij.
Portugezi u përgjigj ndaj këtyre thashethemeve gjatë një konference për media në Romë.
Mourinho, i cili i ka fituar tre tituj të Premierligës me Chelsean dhe ka qenë në stolin e Manchester Unitedit dhe Tottenhamit po ashtu, kishte punuar me ish-trajnerin legjendar të Newcastle, Sir Bobby Robson, në fillim të karrierës së vet si trajner në Barcelonë.
Mourinho thotë se si pasojë e ka krijuar një ndjesi të veçantë për Newcastle.
“Për Newcastle nuk kam asgjë për të thënë. Aspak”, tha Mourinho.
“Por e vetmja gjë që mund ta them është se për shumë, shumë vite, unë kam punuar me njërin prej figurave më të rëndësishme në historinë e Newcastle, Sir Bobby Robson, prandaj për këtë arsye unë gjithmonë e kam pasur një lidhje emocionale me qytetin dhe tifozët. Asgjë më shumë se kaq”, shtoi ai.
(Kosova Sot Online )
