Klitschko me video prekëse nga bodrumet: Dëgjoni fëmijët që frikësohen për jetët e tyre, shpëtoni ata

  • A.P /
  • 01 March 2022 - 14:52
Klitschko me video prekëse nga bodrumet: Dëgjoni fëmijët që frikësohen për jetët e tyre, shpëtoni ata

Ish-kampioni i botës në boks, Wladimir Klitschko e ka publikuar një video mjaft prekëse në rrjetet sociale.

Në të shihen fëmijë të frikësuar për jetët e tyre, të cilët po tmerrohen nga bombat dhe raketat e agresorit rus.

Klitschko, i cili iu bashkua ushtrisë ukrainase në luftën ndaj rusëve, thotë se ky është realiteti aktual i Ukrainës.

Ai ka bërë thirrje që të shpëtohen fëmijët, që të shpëtohet populli ukrainas.

“Dëgjoni ata. Dëgjojeni zërin e këtyre fëmijëve që frikësohen për jetët e tyre. Shumë të tjerë tashmë i kemi humbur. Kjo është e sotmja. Ky është realiteti i një lufte të tmerrshme. Veproni tani! Shpëtoni fëmijët. Ndaleni Rusinë”, ka shkruar Klitschko.

Ai së bashku me vëllain, Vitali, që është ish-kampion i botës dhe kryebashkiak i Kievit, i janë bashkuar ushtrisë ukrainase në mbrojtje të atdheut.

Më poshtë mund ta shihni videon emocionuese dhe prekëse të krijesave më të pafajshme në botë.

(Kosova Sot Online)

sport lajme dieta pa karbohidrate gazetat ditore gazetat e kosoves Kosova Sot Bota Ngjarje Aktualitet perputhen big brother muzike