Lewa po e mendon largimin nga Bayerni, Barcelona po shpreson

Robert Lewandowski dëshiron të largohet nga Bayern Munichu për ta nisur një aventurë të re, në një kampionat të ri. Menaxheri Pini Zahavi është duke punuar qe disa javë për ta gjetur një sistemim të ri për sulmuesin polak, shkruan mediumi spanjoll “Sport”.Prandaj, e ardhmja e ish-futbollistit të Borussia Dortmundit varet nga një tjetër futbollist i madh i Bundesligës, Erling Haaland.

Lexoni edhe:

Pas Brezovicës, Prokurorja Speciale të zbarkon edhe në Prishtinë për zbardhjen e krimit 8 vjeçar nën Shpend Ahmetit

Që të dy janë në shënjestër të Barcelonës, por sipas të gjitha gjasave, sulmuesi norvegjez do të përfundojë në Manchester City. E me këtë rast do t’i hapeshin rrugët transferimit të Lewandowskit në “Camp Nou”. Pra, lojtari më i mirë në botë në dy vjetët e fundit, i shpallur nga FIFA, mund ta realizojë dëshirën për t’u transferuar tek “Blaugrana”. Këtë transferim do ta bënte më të lehtë fakti se menaxheri izraelit ka raporte të shkëlqyeshme me presidentin Laporta. Përfaqësuesi polak ka kontratë me Bayernin deri në qershor të vitit 2023, por mund të largohet këtë verë pasi nuk dëshiron ta vazhdojë atë

(Kosovca Sot Online )