Lexoni edhe:
Osmani për dekretimin e kryeprokurorit: S’mund ta bëjë shkel e shko, do të kërkojë dokumente shtesë
Legjenda e futbollit Pele shtrohet përsëri në spital
Legjenda braziliane, Pele është shtrirë përsëri në spital. Ish-futbollisti i njohur ka përfunduar në spitalin e San Paolos për ta kryer një nga seancat mujore të kancerit që i ishte shfaqur në zorrën e trashë në shtator të vitit të kaluar. Përmes një komunikate për shtyp, “Albert Einstein Hospital”, ku është shtruar Pele, ka njoftuar se shëndeti i Edson Arantes do Nascimento, i njohur më mirë si Pele, 81 vjeç, është i mirë dhe se ai pritet të lirohet nga spitali në ditët e ardhshme.
Pele duhet të shkojë në spital së paku një herë në muaj për t’ju nënshtruar testeve dhe për ta vazhduar terapinë e tumorit në zorrën e trashë. Pele konsiderohet si futbollisti më i mirë në histori të futbollit. Për shkak të moshës, kohëve të fundit ai po ka probleme të vazhdueshme shëndetësore.
(Kosova Sot Online )
