Lexoni edhe:
Një i vdekur dhe mbi një mijë raste pozitive me COVID-19 në Kosovë
Gazetari i afërt me Bayernin e paralajmëron transferimin e Ronaldos në “Allianz Arena”
E ardhmja e Cristiano Ronaldos është ende e paqartë. Sulmuesi portugez besohet se e ka kërkuar largimin nga Manchester United, klub me të cilin kontratë të vlefshme edhe për një sezon. Ronaldo vazhdon të jetë i lidhur me një transferim te Bayern Munichi. Dhe, pas largimit të Robert Lewandowskit në drejtim të Barcelonës, zërat për transferimin e tij tashmë janë shtuar edhe më shumë.
Gazetari gjerman nga “Abendzeitung”, Maximilian Koch, përmes një postimi në llogarinë e tij në “Twitter”, ka paralajmëruar një transferim të 37-vjeçarit në “Allianz Arena”. Koch, i cili është gazetar i afërt me “Bavarezët”, mbulon zhvillimet e këtij klubi, si dhe të Kombëtares së Gjermanisë. Ai ende nuk ka zbuluar detaje të tjera, por përmes postimit të tij mund të nënkuptohet se transferimi i Ronaldos te Bayerni është vetëm çështje kohe. Mbetet të shihet në vazhdim se si do të rrjedhin gjërat. Për pesë herë fituesin e “Topit të Artë” interesim ka shprehur edhe Chelsea.
(Kosova Sot Online )
