Pique i vendos dy kushte Shakiras, i kërkon 400 mijë euro dhe pesë fluturime të klasit të parë

Gerard Pique dhe Shakira vazhdojnë të diskutojnë për të ardhmen e fëmijëve pas ndarjes.

Këngëtarja u zhvendos në Miami pas përfundimit të lidhjes dhe dëshiron që fëmijët të jetojnë me të.

Sipas “Telemundo”, mbrojtësi i Barcelonës është gati të pranojë të lëvizë fëmijët, megjithëse më parë ishte kundër . 

Megjithatë, Pique ka vendosur dy kushte të detyrueshme. Së pari, futbollisti i kërkon Shakirës që t’i sigurojë pesë fluturime të klasit të parë në vit për në Miami për të parë fëmijët e tij.

Së dyti, 35-vjeçari i kërkon 45-vjeçares 400 mijë euro për të paguar borxhet.

Në fillim të qershorit, Pique dhe Shakira njoftuan se u ndanë pas 12 vjetësh. U raportua se çifti u nda për shkak se reprezentuesi spanjoll e tradhtoi.

(Kosova Sot Online )